ព្រះត្រៃបិដក ភាគ ១០០
ឯសហជាតវារៈ ប្រហែលគ្នានឹងបដិច្ចវារៈដែរ។
បច្ចយវារៈ
[២៣០] សប្បដិឃធម៌ ពឹងផ្អែកនឹងសប្បដិឃធម៌ ទើបកើតឡើង ព្រោះហេតុប្បច្ច័យ គឺមានវារៈ៣។ អប្បដិឃធម៌ ពឹងផ្អែកនឹងអប្បដិឃធម៌ ទើបកើតឡើង ព្រោះហេតុប្បច្ច័យ គឺខន្ធ៣ក្តី ចិត្តសមុដ្ឋានរូប ជាអប្បដិឃក្តី ពឹងផ្អែកនឹងខន្ធ១ ជាអប្បដិឃៈ នឹងខន្ធ២… ចិត្តសមុដ្ឋានរូប ជាអប្បដិឃៈ កដត្តារូប និងឧបាទារូប ពឹងផ្អែកនឹងអាបោធាតុ ក្នុងខណៈនៃបដិសន្ធិ ឥត្ថិន្រ្ទិយ និងកពឡិង្ការាហារ ពឹងផ្អែកនឹងអាបោធាតុ ពួកខន្ធជាអប្បដិឃៈ ពឹងផ្អែកនឹងវត្ថុ។ បញ្ហា៥យ៉ាងដ៏សេសសល់ ប្រហែលគ្នានឹងបដិច្ចវារៈដែរ។
[២៣១] អប្បដិឃធម៌ ពឹងផ្អែកនឹងសប្បដិឃធម៌ ទើបកើតឡើង ព្រោះអារម្មណប្បច្ច័យ គឺចក្ខុវិញ្ញាណ ពឹងផ្អែកនឹងចក្ខាយតនៈ កាយវិញ្ញាណ ពឹងផ្អែកនឹងកាយាយតនៈ។ អប្បដិឃធម៌ ពឹងផ្អែកនឹងអប្បដិឃធម៌ ទើបកើតឡើង ព្រោះអារម្មណប្បច្ច័យ គឺខន្ធ៣ ពឹងផ្អែកនឹងខន្ធ១ ជាអប្បដិឃៈ នឹងខន្ធ២… ពួកខន្ធជាអប្បដិឃៈ ពឹងផ្អែកនឹងវត្ថុ ក្នុងខណៈនៃបដិសន្ធិ។
ID: 637830420440646244
ទៅកាន់ទំព័រ៖