ព្រះត្រៃបិដក ភាគ ១០៤
នៃចតុត្ថជ្ឈាន ដោយឧបនិស្សយប្បច្ច័យ។ រូបាវចរធម៌ ជាបច្ច័យនៃនរូបាវចរធម៌ ដោយឧបនិស្សយប្បច្ច័យ បានដល់អារម្មណូបនិស្ស័យ អនន្តរូបនិស្ស័យ និងបកតូបនិស្ស័យ។បេ។ ឯបកតូបនិស្ស័យ គឺបុគ្គលអាស្រ័យនូវរូបាវចរសទ្ធា ហើយឲ្យនូវទាន នូវសីល … នូវឧបោសថកម្ម ញុំាងរូបាវចរជ្ឈាន វិបស្សនាមគ្គ និងអភិញ្ញា … ញុំាងសមាបត្តិ ឲ្យកើតឡើង ដំឡើងនូវមានះ ប្រកាន់នូវទិដ្ឋិ នូវរូបាវចរសីល។បេ។ អាស្រ័យនូវបញ្ញា ហើយឲ្យនូវទាន។បេ។ ដំឡើងនូវមានះ ប្រកាន់នូវទិដ្ឋិ រូបាវចរសទ្ធា។បេ។ បញ្ញា (ជាបច្ច័យ) នៃនរូបាវចរសទ្ធា។បេ។ ជាបច្ច័យនៃបញ្ញា រាគៈ សេចក្តីប្រាថ្នា កាយិកសុខ កាយិកទុក្ខ មគ្គ និងផលសមាបត្តិ ដោយឧបនិស្សយប្បច្ច័យ។ នរូបាវចរធម៌ ជាបច្ច័យនៃនរូបាវចរធម៌ ដោយឧបនិស្សយប្បច្ច័យ បានដល់អារម្មណូបនិស្ស័យ អនន្តរូបនិស្ស័យ និងបកតូបនិស្ស័យ។បេ។ ឯបកតូបនិស្ស័យ គឺបុគ្គលអាស្រ័យនូវនរូបាវចរសទ្ធា ហើយឲ្យនូវទាន … នូវសីល នូវឧបោសថកម្ម ញុំាងនរូបាវចរជ្ឈាន វិបស្សនាមគ្គ និងអភិញ្ញា …
ID: 637831258166218577
ទៅកាន់ទំព័រ៖