ព្រះត្រៃបិដក ភាគ ១០៤
រាគៈកើតឡើង ទិដ្ឋិកើតឡើង ព្រោះធ្វើនូវអំពើនោះ ឲ្យជាទីគោរព … ដែលសន្សំហើយ ក្នុងកាលមុន … អំពីឈាន។បេ។ ពួកព្រះអរិយៈ ចេញអំពីមគ្គ ធ្វើ នូវមគ្គឲ្យជាទីគោរព ហើយពិចារណានូវផល … ពិចារណានូវព្រះនិព្វាន ឯព្រះនិព្វាន ជាបច្ច័យនៃគោត្រភូ វោទានៈ មគ្គ និងផល ដោយអធិបតិប្បច្ច័យ នូវចក្ខុ … នូវវត្ថុ … ធ្វើនូវពួកនអរូបាវចរក្ខន្ធ ឲ្យជាទីគោរព ហើយត្រេកអរ រីករាយ រាគៈ កើតឡើង ទិដ្ឋិកើតឡើង ព្រោះធ្វើនូវអំពើនោះ ឲ្យជាទីគោរព។ ឯសហជាតាធិបតិ គឺនអរូបាវចរាធិបតិ ជាបច្ច័យនៃពួកសម្បយុត្តកក្ខន្ធផង នៃពួកចិត្តសមុដ្ឋានរូបផង ដោយអធិបតិប្បច្ច័យ។
[១៩៩] អរូបាវចរធម៌ ជាបច្ច័យនៃអរូបាវចរធម៌ ដោយអនន្តរប្បច្ច័យ គឺពួកអរូបាវចរក្ខន្ធមុនៗ ជាបច្ច័យនៃអរូបាវចរក្ខន្ធក្រោយៗ ដោយអនន្តរប្បច្ច័យ។ អរូបាវចរធម៌ ជាបច្ច័យនៃនអរូបាវចរធម៌ ដោយអនន្តរប្បច្ច័យ គឺអរូបាវចរចុតិចិត្ត (ជាបច្ច័យ) នៃនអរូបាវចរឧបបតិ្តចិត្ត អរូបាវចរភវង្គ (ជាបច្ច័យ) នៃអាវជ្ជនៈ ពួកអរូបាវចរក្ខន្ធ (ជាបច្ច័យ) នៃនអរូបាវចរវុដ្ឋាន
ID: 637831262625110246
ទៅកាន់ទំព័រ៖