ព្រះត្រៃបិដក ភាគ ១០៤
ឯវត្ថុបុរេជាត គឺវត្ថុ ជាបច្ច័យនៃពួកសវិតក្កក្ខន្ធផង នៃវិតក្កៈផង ដោយបុរេជាតប្បច្ច័យ។
[៦១] សវិតក្កធម៌ ជាបច្ច័យនៃអវិតក្កធម៌ ដោយបច្ឆាជាតប្បច្ច័យ មានវារៈ៣ បានដល់ បច្ឆាជាត។ … ជាបច្ច័យ ដោយអាសេវនប្បច្ច័យ មានវារៈ៩។
[៦២] សវិតក្កធម៌ ជាបច្ច័យនៃសវិតក្កធម៌ ដោយកម្មប្បច្ច័យ បានដល់ សហជាត និងនានាខណិកៈ។ សហជាត គឺចេតនា ដែលប្រកបដោយវិតក្កៈ ជាបច្ច័យនៃពួកសម្បយុត្តកក្ខន្ធ ដោយកម្មប្បច្ច័យ។ ឯនានាខណិកៈ គឺចេតនា ដែលប្រកបដោយវិតក្កៈ ជាបច្ច័យនៃវិបាកក្ខន្ធ ដែលប្រកបដោយវិតក្កៈ ដោយកម្មប្បច្ច័យ។ វារៈ៤ក្តី សហជាតក្តី នានាខណិកៈក្តី បណ្ឌិតគប្បីធើ្វយ៉ាងនេះ។ … ជាបច្ច័យដោយវិបាកប្បច្ច័យ មានវារៈ៩ ជាបច្ច័យ ដោយអាហារប្បច្ច័យ មានវារៈ៤ ជាបច្ច័យ ដោយឥន្ទ្រិយប្បច្ច័យ មានវារៈ៤ ជាបច្ច័យ ដោយឈានប្បច្ច័យ មានវារៈ៩ ជាបច្ច័យ ដោយមគ្គប្បច្ច័យ មានវារៈ៩ ជាបច្ច័យ ដោយសម្បយុត្តប្បច្ច័យ មានវារៈ៦។
ID: 637831225085598484
ទៅកាន់ទំព័រ៖