ព្រះត្រៃបិដក ភាគ ១០៤
សវិតក្កធម៌ អាស្រ័យនូវអវិតក្កធម៌ ទើបកើតឡើង ព្រោះហេតុប្បច្ច័យ គឺពួកសម្បយុត្តកក្ខន្ធ អាស្រ័យនូវវិតក្កៈ ពួកសម្បយុត្តកក្ខន្ធ អាស្រ័យនូវវិតក្កៈ ក្នុងខណៈនៃបដិសន្ធិ ពួកសវិតក្កក្ខន្ធ អាស្រ័យនូវវត្ថុ ក្នុងខណៈនៃបដិសន្ធិ។ សវិតក្កធម៌ក្តី អវិតក្កធម៌ក្តី អាស្រ័យនូវអវិតក្កធម៌ ទើបកើតឡើង ព្រោះហេតុប្បច្ច័យ គឺពួកសម្បយុត្តកក្ខន្ធផង ចិត្តសមុដ្ឋានរូបផង អាស្រ័យនូវវិតក្កៈ ពួកសវិតក្កក្ខន្ធ អាស្រ័យនូវវិតក្កៈ ចិត្តសមុដ្ឋានរូប អាស្រ័យនូវពួកមហាភូត ពួកសម្បយុត្តកក្ខន្ធក្តី កដត្តារូបក្តី អាស្រ័យនូវវិតក្កៈ ក្នុងខណៈនៃបដិសន្ធិ ពួកសវិតក្កក្ខន្ធ អាស្រ័យនូវវិតក្កៈ ក្នុងខណៈនៃបដិសន្ធិ កដត្តារូប អាស្រ័យនូវពួកមហាភូត ពួកសវិតក្កក្ខន្ធ អាស្រ័យនូវវត្ថុ ក្នុងខណៈនៃបដិសន្ធិ កដត្តារូប អាស្រ័យនូវពួកមហាភូត វិតក្កៈក្តី ពួកសម្បយុត្តកក្ខន្ធក្តី អាស្រ័យនូវវត្ថុ ក្នុងខណៈនៃបដិសន្ធិ។ សវិតក្កធម៌ អាស្រ័យនូវសវិតក្កធម៌ផង នូវអវិតក្កធម៌ផង ទើបកើតឡើង ព្រោះហេតុប្បច្ច័យ គឺខន្ធ៣ អាស្រ័យនូវសវិតក្កក្ខន្ធ១ផង នូវវិតក្កៈផង អាស្រ័យនូវខន្ធ២ … ខន្ធ៣ អាស្រ័យនូវសវិតក្កក្ខន្ធ១ផង នូវវិតក្កៈផង ក្នុងខណៈនៃបដិសន្ធិ អាស្រ័យនូវខន្ធ២ … ខន្ធ៣ អាស្រ័យនូវសវិតក្កក្ខន្ធ១ផង នូវវត្ថុផង ក្នុងខណៈនៃបដិសន្ធិ នូវខន្ធ២…។
ID: 637831219843809043
ទៅកាន់ទំព័រ៖