ព្រះត្រៃបិដក ភាគ ១០៥
សហជាតវារៈក្តី បច្ចយវារៈក្តី និស្សយវារៈក្តី សំសដ្ឋវារៈក្តី សម្បយុត្តវារៈក្តី ដូចគ្នានឹងបដិច្ចវារៈដែរ បណ្ឌិតគប្បីឲ្យពិស្តារផងចុះ។
បញ្ហាវារៈ
[៨២០] ធម៌ខាងក្នុងជាហេតុ ជាបច្ច័យនៃធម៌ខាងក្នុងជាហេតុ ដោយហេតុប្បច្ច័យ មានវារៈ៣។
[៨២១] ធម៌ខាងក្នុងជាហេតុ ជាបច្ច័យនៃធម៌ខាងក្នុងជាហេតុ ដោយអារម្មណប្បច្ច័យ មានវារៈ៩។
[៨២២] ធម៌ខាងក្នុងជាហេតុ ជាបច្ច័យនៃធម៌ខាងក្នុងជាហេតុ ដោយអធិបតិប្បច្ច័យ បានដល់អារម្មណាធិបតិ និងសហជាតាធិបតិ មានវារៈ៣។ ធម៌ខាងក្នុងមិនមែនជាហេតុ ជាបច្ច័យនៃធម៌ខាងក្នុងមិនមែនជាហេតុ ដោយអធិបតិប្បច្ច័យ បានដល់អារម្មណាធិបតិ និងសហជាតាធិបតិ មានវារៈ៣។ ធម៌ខាងក្នុងជាហេតុក្តី ធម៌ខាងក្នុងមិនមែនជាហេតុក្តី ជាបច្ច័យនៃធម៌ខាងក្នុងជាហេតុ ដោយអធិបតិប្បច្ច័យ បានដល់អារម្មណាធិបតិ មានវារៈ៣។
[៨២៣] ក្នុងហេតុប្បច្ច័យ មានវារៈ៣ ក្នុងអារម្មណប្បច្ច័យ មានវារៈ៩ ក្នុងអធិបតិប្បច្ច័យ មានវារៈ៩ ក្នុងអនន្តរប្បច្ច័យ មានវារៈ៩ ក្នុងសមនន្តរប្បច្ច័យ មានវារៈ៩ ក្នុងសហជាតប្បច្ច័យ មានវារៈ៩ ក្នុងអញ្ញមញ្ញប្បច្ច័យ មានវារៈ៩ ក្នុងនិស្សយប្បច្ច័យ មានវារៈ៩
ID: 637831435295403752
ទៅកាន់ទំព័រ៖