ព្រះត្រៃបិដក ភាគ ១០៦
ក្នុងបច្ឆាជាតប្បច្ច័យ មានវារៈ៥ ក្នុងអាសេវនប្បច្ច័យ មានវារៈ២១ ក្នុងកម្មប្បច្ច័យ មានវារៈ១១ ក្នុងវិបាកប្បច្ច័យ មានវារៈ២១ ក្នុងអាហារប្បច្ច័យ មានវារៈ១១ ក្នុងអវិគតប្បច្ច័យ មានវារៈ៣០។
[៨៣៩] ក្នុងនហេតុប្បច្ច័យ មានវារៈ៣៥ ក្នុងនអារម្មណប្បច្ច័យ មានវារៈ៣៥ ក្នុងនអធិបតិប្បច្ច័យ មានវារៈ៣៥។
[៨៤០] ក្នុងនហេតុប្បច្ច័យ មានវារៈ២១ ព្រោះអារម្មណប្បច្ច័យ។
[៨៤១] ក្នុងអារម្មណប្បច្ច័យ មានវារៈ២១ ព្រោះនហេតុប្បច្ច័យ។
ឯបញ្ហាវារៈក្នុងកុសលត្តិកៈ យ៉ាងណា (វិតក្កត្តិកហេតុទុកៈ) បណ្ឌិតគប្បីឲ្យពិស្តារ យ៉ាងនោះផងចុះ។
ចប់ វិតក្កត្តិកហេតុទុកៈ។
បីតិត្តិកហេតុទុកៈ
[៨៤២] ហេតុធម៌ប្រកបដោយបីតិ អាស្រ័យនូវហេតុធម៌ ប្រកបដោយបីតិ ទើបកើតឡើង ព្រោះហេតុប្បច្ច័យ មានវារៈ៣។ ហេតុធម៌ ប្រកបដោយសុខ អាស្រ័យនូវហេតុធម៌ ប្រកបដោយសុខ ទើបកើតឡើង ព្រោះហេតុប្បច្ច័យ មានវារៈ៣។ ហេតុធម៌ ប្រកបដោយឧបេក្ខា អាស្រ័យនូវហេតុធម៌ ប្រកបដោយឧបេក្ខា ទើបកើតឡើង ព្រោះហេតុប្បច្ច័យ មានវារៈ១។ ហេតុធម៌ ប្រកបដោយបីតិ អាស្រ័យនូវហេតុធម៌ ប្រកបដោយបីតិផង នូវហេតុធម៌ ប្រកបដោយសុខផង ទើបកើតឡើង ព្រោះហេតុប្បច្ច័យ មានវារៈ៣។
ID: 637832034894567556
ទៅកាន់ទំព័រ៖