ព្រះត្រៃបិដក ភាគ ១០៧
អព្យាកតធម៌មិនមានរណៈ អាស្រ័យនូវអព្យាកតធម៌មិនមានរណៈ ទើបកើតឡើង ព្រោះហេតុប្បច្ច័យ។ អព្យាកតធម៌មិនមានរណៈ អាស្រ័យនូវកុសលធម៌មិនមានរណៈផង នូវអព្យាកតធម៌មិនមានរណៈផង ទើបកើតឡើង ព្រោះហេតុប្បច្ច័យ។
[៥៩៣] កុសលធម៌មិនមានរណៈ អាស្រ័យនូវកុសលធម៌មិនមានរណៈ ទើបកើតឡើង ព្រោះអារម្មណប្បច្ច័យ។ អព្យាកតធម៌មិនមានរណៈ អាស្រ័យនូវអព្យាកតធម៌មិនមានរណៈ ទើបកើតឡើង ព្រោះអារម្មណប្បច្ច័យ។
[៥៩៤] ក្នុងហេតុប្បច្ច័យ មានវារៈ៥ ក្នុងអារម្មណប្បច្ច័យ មានវារៈ២ ក្នុងអវិគតប្បច្ច័យ មានវារៈ៥។
សហជាតវារៈក្តី សម្បយុត្តវារៈក្តី ដូចគ្នានឹងបដិច្ចវារៈដែរ។
[៥៩៥] កុសលធម៌មិនមានរណៈ ជាបច្ច័យនៃកុសលធម៌មិនមានរណៈ ដោយហេតុប្បច្ច័យ មានវារៈ៣។ អព្យាកតធម៌មិនមានរណៈ ជាបច្ច័យនៃអព្យាកតធម៌មិនមានរណៈ ដោយហេតុប្បច្ច័យ។
[៥៩៦] ក្នុងហេតុប្បច្ច័យ មានវារៈ៤ ក្នុងអារម្មណប្បច្ច័យ មានវារៈ៤ ក្នុងអវិគតប្បច្ច័យ មានវារៈ៧។
ឯបញ្ហាវារៈ ក្នុងកុសលត្តិកៈ យ៉ាងណា បណ្ឌិតគប្បីឲ្យពិស្តារយ៉ាងនោះចុះ។
ចប់ កុសលត្តិកសរណទុកៈ។
ID: 637832266623090544
ទៅកាន់ទំព័រ៖