ព្រះត្រៃបិដក ភាគ ១០៧
ឯបញ្ហាវារៈ ក្នុងកុសលត្តិកៈ យ៉ាងណា បណ្ឌិតគប្បីឲ្យពិស្តារយ៉ាងនោះចុះ។
[៧៤២] ធម៌ជាកុសល មិនមានវិតក្កៈ មានត្រឹមតែវិចារៈ អាស្រ័យនូវធម៌ជាកុសល មិនមានវិតក្កៈ មានត្រឹមតែវិចារៈ ទើបកើតឡើង ព្រោះហេតុប្បច្ច័យ។ ធម៌ជាអព្យាកតៈ មិនមានវិតក្កៈ មានត្រឹមតែវិចារៈ អាស្រ័យនូវធម៌មិនមានវិតក្កៈ មានត្រឹមតែវិចារៈ ទើបកើតទ្បើង ព្រោះហេតុប្បច្ច័យ។
[៧៤៣] ក្នុងហេតុប្បច្ច័យ មានវារៈ២ ក្នុងអវិគតប្បច្ច័យ មានវារៈ២។ ក្នុងសហជាតវារៈក្ដី សម្បយុត្តវារៈក្ដី បញ្ហាវារៈក្ដី មានសេចក្ដីពិស្ដារគ្រប់បច្ច័យទាំងអស់។
[៧៤៤] ធម៌ជាកុសល មិនមានវិតក្កៈ ទាំងមិនមានវិចារៈ អាស្រ័យនូវធម៌ជាកុសល មិនមានវិតក្កៈ ទាំងមិនមានវិចារៈ ទើបកើតទើ្បង ព្រោះហេតុប្បច្ច័យ មានវារៈ៣។ ធម៌ជាអព្យាកតៈ មិនមានវិតក្កៈ ទាំងមិនមានវិចារៈ អាស្រ័យនូវធម៌ជាអព្យាកតៈ មិនមានវិតក្កៈ ទាំងមិនមានវិចារៈ ទើបកើតទ្បើង ព្រោះហេតុប្បច្ច័យ។
[៧៤៥] ក្នុងហេតុប្បច្ច័យ មានវារៈ៥ ក្នុងអារម្មណប្បច្ច័យ មានវារៈ២ ក្នុងអវិគតប្បច្ច័យ មានវារៈ៥។
សហជាតវារៈក្តី បញ្ហាវារៈក្តី បណ្ឌិតគប្បីឲ្យពិស្តារផងចុះ។
ចប់ កុសលត្តិកវិតក្កត្តិកៈ។
ID: 637832301149259776
ទៅកាន់ទំព័រ៖