ព្រះត្រៃបិដក ភាគ ១០៧
ហេតុទុកហេតុហេតុសម្បយុត្តទុកៈ
[៩៤៣] ធម៌ជាហេតុ ជាហេតុ ទាំងប្រកបដោយហេតុ អាស្រ័យនូវធម៌ជាហេតុ ជាហេតុ ទាំងប្រកបដោយហេតុ ទើបកើតឡើង ព្រោះហេតុប្បច្ច័យ។ មានវារៈ១ គ្រប់បច្ច័យទាំងអស់។
[៩៤៤] ធម៌មិនមែនជាហេតុ ប្រកបដោយហេតុ ទាំងមិនមែនជាហេតុ អាស្រ័យនូវធម៌មិនមែនជាហេតុ ប្រកបដោយហេតុ ទាំងមិនមែនជាហេតុ ទើបកើតឡើង ព្រោះហេតុប្បច្ច័យ។ មានវារៈ១ គ្រប់បច្ច័យទាំងអស់។
ចប់ ហេតុទុកហេតុហេតុសម្បយុត្តទុកៈ។
ហេតុទុកនហេតុសហេតុកទុកៈ
[៩៤៥] ធម៌មិនមែនជាហេតុ ប្រព្រឹត្តទៅជាមួយនឹងហេតុ អាស្រ័យនូវធម៌មិនមែនជាហេតុ ប្រព្រឹត្តទៅជាមួយនឹងហេតុ ទើបកើតឡើង ព្រោះហេតុប្បច្ច័យ។ មានវារៈ១ គ្រប់បច្ច័យទាំងអស់។
[៩៤៦] ធម៌មិនមែនជាហេតុមិនមានហេតុ អាស្រ័យនូវធម៌មិនមែនជាហេតុ មិនមានហេតុ ទើបកើតឡើង ព្រោះហេតុប្បច្ច័យ។ មានវារៈ១ គ្រប់បច្ច័យទាំងអស់។
ចប់ ហេតុទុកនហេតុសហេតុកទុកៈ។
ID: 637832329925565290
ទៅកាន់ទំព័រ៖