ព្រះត្រៃបិដក ភាគ ១០៧
ហេតុទុកចិត្តសមុដ្ឋានទុកៈ
[១០០៥] ចិត្តសមុដ្ឋានធម៌ (ធម៌តាំងឡើងដោយចិត្ត) ជាហេតុ អាស្រ័យនូវចិត្តសមុដ្ឋានធម៌ ជាហេតុ ទើបកើតឡើង ព្រោះហេតុប្បច្ច័យ។
[១០០៦] ក្នុងហេតុប្បច្ច័យ មានវារៈ៩ ក្នុងអវិគតប្បច្ច័យ មានវារៈ៩។ សេចក្តីពិស្តារ មានគ្រប់បច្ច័យទាំងអស់។
[១០០៧] នោចិត្តសមុដ្ឋានធម៌ (ធម៌មិនមែនតាំងឡើងដោយចិត្ត) មិនមែនជាហេតុ អាស្រ័យនូវនោចិត្តសមុដ្ឋានធម៌ មិនមែនជាហេតុ ទើបកើតឡើង ព្រោះហេតុប្បច្ច័យ។ មានវារៈ១ គ្រប់បច្ច័យទាំងអស់។
ចប់ ហេតុទុកចិត្តសមុដ្ឋានទុកៈ។
ហេតុទុកចិត្តសហភុទុកៈ
[១០០៨] ចិត្តសហភុធម៌ (ធម៌កើតជាមួយនឹងចិត្ត) ជាហេតុ អាស្រ័យនូវចិត្តសហភុធម៌ជាហេតុ ទើបកើតឡើង ព្រោះហេតុប្បច្ច័យ មានវារៈ៩។
[១០០៩] នោចិត្តសហភុធម៌ (ធម៌មិនមែនកើតជាមួយនឹងចិត្ត) មិនមែនជាហេតុ អាស្រ័យនូវនោចិត្តសហភុធម៌ មិនមែនជាហេតុ ទើបកើតឡើង ព្រោះហេតុប្បច្ច័យ មានវារៈ១។ សេចក្តីពិស្តារ មានគ្រប់បច្ច័យទាំងអស់។
ចប់ ហេតុទុកចិត្តសហភុទុកៈ។
ID: 637832335270447763
ទៅកាន់ទំព័រ៖