ព្រះត្រៃបិដក ភាគ ១០៨
នសឧត្តរទុកៈ
[១៨៨] ធម៌មិនមែនប្រកបដោយឧត្តរៈ (ការរើឡើងនូវខ្លួន) អាស្រ័យនូវធម៌មិនមែនប្រកបដោយឧត្តរៈ ទើបកើតឡើង ព្រោះហេតុប្បច្ច័យ មានវារៈ៣។ ធម៌មិនមែនជាអនុត្តរៈ អាស្រ័យនូវធម៌មិនមែនជាអនុត្តរៈ ទើបកើតឡើង ព្រោះហេតុប្បច្ច័យ មានវារៈ១។ ធម៌មិនមែនប្រកបដោយឧត្តរៈ អាស្រ័យនូវធម៌មិនមែនប្រកបដោយឧត្តរៈផង មិនមែនជាអនុត្តរៈផង ទើបកើតឡើង ព្រោះហេតុប្បច្ច័យ មានវារៈ១។
[១៨៩] ក្នុងហេតុប្បច្ច័យ មានវារៈ៥។
នសរណទុកៈ
[១៩០] ធម៌មិនមែនប្រកបដោយរណៈ (លាមក) អាស្រ័យនូវធម៌មិនមែនប្រកបដោយរណៈ ទើបកើតឡើង ព្រោះហេតុប្បច្ច័យ មានវារៈ១។ ធម៌មិនមែនជាអរណៈ អាស្រ័យនូវធម៌មិនមែនជាអរណៈ ទើបកើតឡើង ព្រោះហេតុប្បច្ច័យ មានវារៈ៣។ ធម៌មិនមែនប្រកបដោយរណៈ អាស្រ័យនូវធម៌មិនមែនប្រកបដោយរណៈផង មិនមែនជាអរណៈផង ទើបកើតឡើង ព្រោះហេតុប្បច្ច័យ មានវារៈ១។
[១៩១] ក្នុងហេតុប្បច្ច័យ មានវារៈ៥។
ចប់ បច្ចនីយទុកប្បដ្ឋាន។
ID: 637832383396819576
ទៅកាន់ទំព័រ៖