ព្រះត្រៃបិដក ភាគ ១០៩
រូបីទុកកុសលត្តិកៈ នរូបីទុកនកុសលត្តិកៈ
[២៧២] ធម៌មិនមែនជាមិនមានរូប មិនមែនជាកុសល អាស្រ័យនូវធម៌មិនមានរូប ជាកុសល ទើបកើតឡើង ព្រោះហេតុប្បច្ច័យ មានវារៈ១។ ធម៌មិនមែនជាមិនមានរូប មិនមែនជាអកុសល អាស្រ័យនូវធម៌មិនមានរូប ជាអកុសល ទើបកើតឡើង ព្រោះហេតុប្បច្ច័យ មានវារៈ១។ ធម៌មិនមែនជាមិនមានរូប មិនមែនជាអព្យាក្រឹត ពឹងផ្អែកនឹងធម៌មានរូប ជាអព្យាក្រឹត ទើបកើតឡើង ព្រោះហេតុប្បច្ច័យ មានវារៈ១។
លោកិយទុកកុសលត្តិកៈ
នលោកិយទុកនកុសលត្តិកៈ
[២៧៣] ធម៌មិនមែនជាលោកុត្តរៈ មិនមែនជាកុសល អាស្រ័យនូវធម៌ជាលោកិយ ជាកុសល ទើបកើតឡើង ព្រោះហេតុប្បច្ច័យ មានវារៈ២។ ធម៌មិនមែនជាលោកុត្តរៈ មិនមែនជាអកុសល អាស្រ័យនូវធម៌ជាលោកិយ ជាអកុសល ទើបកើតឡើង ព្រោះហេតុប្បច្ច័យ មានវារៈ១។ ធម៌មិនមែនជាលោកិយ មិនមែនជាអព្យាក្រឹត ពឹងផ្អែកនឹងធម៌ជាលោកិយ ជាអព្យាក្រឹត ទើបកើតឡើង ព្រោះហេតុប្បច្ច័យ មានវារៈ២។
ID: 637832987644833041
ទៅកាន់ទំព័រ៖