ព្រះត្រៃបិដក ភាគ ១០៩
សាសវទុកកុសលត្តិកៈ នសាសវទុកនកុសលត្តិកៈ
[២៧៦] ធម៌មិនមែនជាមិនមានអាសវៈ មិនមែនជាកុសល អាស្រ័យនូវធម៌ប្រព្រឹត្តទៅជាមួយនឹងអាសវៈ ជាកុសល ទើបកើតឡើង ព្រោះហេតុប្បច្ច័យ ធម៌មិនមែនជាមិនមានអាសវៈ មិនមែនជាកុសល អាស្រ័យនូវធម៌មិនមានអាសវៈ ជាកុសល ទើបកើតឡើង ព្រោះហេតុប្បច្ច័យ មានវារៈ២។ ធម៌មិនមែនជាមិនមានអាសវៈ មិនមែនជាអកុសល អាស្រ័យនូវធម៌ប្រព្រឹត្តទៅជាមួយនឹងអាសវៈ ជាអកុសល ទើបកើតឡើង ព្រោះហេតុប្បច្ច័យ មានវារៈ១។ ធម៌មិនមែនប្រព្រឹត្តទៅជាមួយនឹងអាសវៈ មិនមែនជាអព្យាក្រឹត អាស្រ័យនូវធម៌ប្រព្រឹត្តទៅជាមួយនឹងអាសវៈ ជាអព្យាក្រឹត ទើបកើតឡើង ព្រោះហេតុប្បច្ច័យ មានវារៈ២។
អាសវសម្បយុត្តទុកកុសលត្តិកៈ
នអាសវសម្បយុត្តទុកនកុសលត្តិកៈ
[២៧៧] ធម៌ដែលមិនមែនប្រកបដោយអាសវៈ មិនមែនជាកុសល អាស្រ័យនូវធម៌ដែលប្រាសចាកអាសវៈ ជាកុសល ទើបកើតឡើង ព្រោះហេតុប្បច្ច័យ មានវារៈ១។ ធម៌ដែលមិនមែនប្រកបដោយអាសវៈ មិនមែនជាអកុសល អាស្រ័យនូវធម៌ ដែលប្រកបដោយអាសវៈ ជាអកុសល ទើបកើតឡើង ព្រោះហេតុប្បច្ច័យ មានវារៈ៣។
ID: 637832988213492043
ទៅកាន់ទំព័រ៖