ព្រះត្រៃបិដក ភាគ ១០៩
ហេតុទុកសេក្ខត្តិកៈ នហេតុទុកនសេក្ខត្តិកៈ
[២៤៧] ធម៌មិនមែនជាហេតុ មិនមែនជាសេក្ខៈ អាស្រ័យនូវធម៌ជាហេតុ ជាសេក្ខៈ ទើបកើតឡើង ព្រោះហេតុប្បច្ច័យ មានវារៈ៣។ ធម៌មិនមែនជាហេតុ មិនមែនជាអសេក្ខៈ អាស្រ័យនូវធម៌ជាហេតុ ជាអសេក្ខៈ ទើបកើតឡើង ព្រោះហេតុប្បច្ច័យ មានវារៈ៣។ ធម៌មិនមែនជាមិនមែនជាហេតុ មិនមែនជាមិនមែនជាសេក្ខៈ ទាំងមិនមែនជាអសេក្ខៈ អាស្រ័យនូវធម៌មិនមែនជាហេតុ មិនមែនជាសេក្ខៈ ទាំងមិនមែនជាអសេក្ខៈ ទើបកើតឡើង ព្រោះហេតុប្បច្ច័យ មានវារៈ៣។
ហេតុទុកបរិត្តត្តិកៈ នហេតុទុកនបរិត្តត្តិកៈ
[២៤៨] ធម៌មិនមែនជាមិនមែនជាហេតុ មិនមែនមានសភាពតូចឆ្មារ អាស្រ័យនូវធម៌មិនមែនជាហេតុ មានសភាពតូចឆ្មារ ទើបកើតឡើង ព្រោះហេតុប្បច្ច័យ មានវារៈ៣។ ធម៌មិនមែនជាហេតុ មិនមែនដល់នូវសភាពធំ អាស្រ័យនូវធម៌ជាហេតុ ដល់នូវសភាពធំ ទើបកើតឡើង ព្រោះហេតុប្បច្ច័យ មានវារៈ៣។ ធម៌មិនមែនជាហេតុ មិនមែនមានប្រមាណមិនបាន អាស្រ័យនូវធម៌ជាហេតុ មានប្រមាណមិនបាន ទើបកើតឡើង ព្រោះហេតុប្បច្ច័យ មានវារៈ៣។
ID: 637832984605538934
ទៅកាន់ទំព័រ៖