ព្រះត្រៃបិដក ភាគ ១០៩
សហេតុកទុកកុសលត្តិកៈ
នសហេតុកទុកនកុសលត្តិកៈ
[២៦១] ធម៌មិនមែនប្រព្រឹត្តទៅជាមួយនឹងហេតុ មិនមែនជាកុសល អាស្រ័យនូវធម៌ប្រព្រឹត្តទៅជាមួយនឹងហេតុ ជាកុសល ទើបកើតឡើង ព្រោះហេតុប្បច្ច័យ មានវារៈ១។ ធម៌មិនមែនប្រព្រឹត្តទៅជាមួយនឹងហេតុ មិនមែនជាអកុសល អាស្រ័យនូវធម៌ប្រព្រឹត្តទៅជាមួយនឹងហេតុ ជាអកុសល ទើបកើតឡើង ព្រោះហេតុប្បច្ច័យ មានវារៈ៣។ ធម៌មិនមែនជាមិនមានហេតុ មិនមែនជាអព្យាក្រឹត ពឹងផ្អែកនឹងធម៌មិនមានហេតុ ជាអព្យាក្រឹត ទើបកើតឡើង ព្រោះហេតុប្បច្ច័យ មានវារៈ១។
ហេតុសម្បយុត្តទុកកុសលត្តិកៈ
នហេតុសម្បយុត្តទុកនកុសលត្តិកៈ
[២៦២] ធម៌មិនមែនប្រកបដោយហេតុ មិនមែនជាកុសល អាស្រ័យនូវធម៌ប្រកបដោយហេតុ ជាកុសល ទើបកើតឡើង ព្រោះហេតុប្បច្ច័យ មានវារៈ១។ ធម៌មិនមែនប្រកបដោយហេតុ មិនមែនជាអកុសល អាស្រ័យនូវធម៌ប្រកបដោយហេតុ ជាអកុសល ទើបកើតឡើង ព្រោះហេតុប្បច្ច័យ មានវារៈ៣។ ធម៌មិនមែនប្រាសចាកហេតុ មិនមែនជាអព្យាក្រឹត ពឹងផ្អែកនឹងធម៌ប្រាសចាកហេតុ ជាអព្យាក្រឹត ទើបកើតឡើង ព្រោះហេតុប្បច្ច័យ មានវារៈ១។
ID: 637832986314228344
ទៅកាន់ទំព័រ៖