ព្រះត្រៃបិដក ភាគ ១១

គ្រែ​ ​តាំង​ ​កន្ថោរ​ ​និង​ផែនក្តារ​សម្រាប់​ផ្អែក​ ​ទៅ​ទុក​ក្នុង​ទី​ដ៏​សមគួរ​ ​បើ​វិហារ​មាន​គ្រឿង​ស្មុកស្មាញ​ ​ភិក្ខុ​ត្រូវ​បោស​អំពី​ពិតាន​ចុះ​មក​ជាមុន​ ​ត្រូវ​ជូត​ចំណែក​ជ្រុង​បង្អួច​ ​បើ​ជញ្ជាំង​គេ​បរិកម្ម​ដោយ​ថ្នាំ​ ​មាន​សម្បុរ​សៅហ្មង​ ​បើ​ផ្ទៃផែនដី​ដែលគេ​បរិកម្ម​ដោយ​ពណ៌ខ្មៅ​ ​ភិក្ខុ​ត្រូវ​ជ្រលក់​សំពត់​ ​រួច​ពូត​ចេញ​ហើយ​សឹម​ជូត​ ​បើ​ផ្ទៃ​ដែលគេ​មិនបាន​ធ្វើ​បរិកម្ម​ ​ភិក្ខុ​ត្រូវ​ប្រស់​ហើយ​សឹម​ជូត​ ​ត្រូវ​ជញ្ជូន​សម្រាម​ទៅ​ចាក់ចោល​ ​ក្នុង​ទី​ដ៏​សមគួរ​ ​ត្រូវ​ជញ្ជូន​យក​កម្រាល​ផែនដី​ ​ទ្រនាប់ជើង​គ្រែ​ ​គ្រែ​ ​តាំង​ ​ពូក​ ​ខ្នើយ​ ​កម្រាល​សម្រាប់​អង្គុយ​ ​កន្ថោរ​ ​និង​ក្តារ​សម្រាប់​ផ្អែក​ ​ទៅ​ទុក​ក្នុង​ទី​ដដែល​វិញ​ ​ត្រូវ​ទុកដាក់​បាត្រ​ ​និង​ចីវរ​ ​មិន​ត្រូវ​ទុកបាត្រ​ ​ក្នុង​ទី​ដែល​មិន​ស្អាត​ ​ត្រូវ​បត់​ចីវរ​ធ្វើ​ជាយ​ខាងនាយ​ ​ឲ្យ​មាន​ផ្នត់​មក​ខាងអាយ​ ​បើ​ខ្យល់​ប្រកបដោយ​ធូលី​បក់​មក​ពី​ទិសខាងកើត​ ​ត្រូវ​បិទ​បង្អួច​ទិសខាងកើត​ ​បក់​មក​ពី​ទិសខាងលិច​ ​ត្រូវ​បិទ​បង្អួច​ទិសខាងលិច​ ​បក់​មក​ពី​ទិសខាងជើង​ ​ត្រូវ​បិទ​បង្អួច​ទិសខាងជើង​ ​បក់​មក​ពី​ទិសខាងត្បូង​ ​ត្រូវ​បិទ​បង្អួច​ទិសខាងត្បូង​ ​បើ​រដូវ​ត្រជាក់​ ​ត្រូវ​បើក​បង្អួច​វេលា​ថ្ងៃ​ ​បិទ​វេលា​យប់​ ​បើ​រដូវ​ក្តៅ​ ​ត្រូវ​បិទ​បង្អួច​វេលា​ថ្ងៃ​ ​បើក​វេលា​យប់