ព្រះត្រៃបិដក ភាគ ១១

ដោយ​ដីស្អិត​ ​ហើយ​បិទបាំង​ពីមុខ​ ​ពីក្រោយ​ ​ហើយ​សឹម​ចូល​ទៅ​ ​មិន​ត្រូវ​អង្គុយ​ជ្រៀត​បៀត​ភិក្ខុ​ជា​ថេរៈ​ ​មិន​ត្រូវ​ហាមឃាត់​ភិក្ខុ​ខ្ចី​ដោយ​អាសនៈ​ ​ត្រូវ​ធ្វើ​បរិកម្ម​ ​ដល់​ឧបជ្ឈាយ៍​ ​ក្នុង​ផ្ទះ​ជាទី​រក្សា​កាយ​ ​កាល​នឹង​ចេញ​មកវិញ​ ​ត្រូវ​បិទបាំង​ពីមុខ​ ​ពីក្រោយ​ ​រួច​សឹម​ចេញ​មក​ពី​ផ្ទះ​ជាទី​រក្សា​កាយ​ ​សូម្បី​ក្នុងទឹក​ ​ក៏​ត្រូវ​ធ្វើ​បរិកម្ម​ ​ដល់​ឧបជ្ឈាយ៍​ ​កាល​សទ្ធិវិហារិក​ងូត​រួចហើយ​ ​ត្រូវ​ឡើង​មក​មុន​ ​ជូត​ខ្លួន​ឲ្យ​ស្ងួត​ទឹក​ ​ហើយ​ស្លៀក​ស្បង់​ ​រួច​សឹម​ជូត​ទឹក​អំពី​ខ្លួន​របស់​ឧបជ្ឈាយ៍​ ​ត្រូវ​ប្រគេន​ស្បង់​សម្រាប់​ស្លៀក​ ​ត្រូវ​ប្រគេន​សង្ឃាដិ​ ​ត្រូវ​នាំ​យក​តាំង​មក​មុន​ ​ហើយ​ក្រាល​អាសនៈ​ ​ត្រូវ​ដំ​កល់​ទឹក​លាង​ជើង​ ​តាំង​រងជើង​ ​ដែល​លាង​ហើយ​ ​និង​ទ្រនាប់​សម្រាប់​ជូត​ជើង​ ​ដែល​មិនទាន់​បាន​លាង​ ​សទ្ធិវិហារិក​ត្រូវ​សួរ​ឧបជ្ឈាយ៍​ ​ដោយ​ទឹក​ឆាន់​ ​ត្រូវឲ្យ​ឧបជ្ឈាយ៍​បង្រៀន​បាលី​ ​ត្រូវឲ្យ​ឧបជ្ឈាយ៍​បង្រៀន​អដ្ឋកថា​ ​បើ​វិហារ​មាន​សម្រាម​ ​ត្រូវ​បោស​សម្រាម​ចេញ​ ​កាល​នឹង​សំអាត​វិហារ​ ​ត្រូវ​នាំ​យក​បាត្រ​ ​និង​ចីវរ​ចេញ​ជាមុន​ ​ទៅ​ទុក​ក្នុង​ទី​ដ៏​សមគួរ​ ​កម្រាល​សម្រាប់​អង្គុយ​ ​ពូក​និង​ខ្នើយ​ ​គ្រែ​ ​តាំង​ ​ទ្រនាប់ជើង​គ្រែ​ ​កន្ថោរ​សម្រាប់​ស្តោះ​ទឹកមាត់​ ​ក្តារ​សម្រាប់​ផ្អែក​ ​