ព្រះត្រៃបិដក ភាគ ១១០
[១៤] ធម៌ជាកុសល ពឹងផ្អែកនឹងធម៌មិនមែនជាកុសល ទើបកើតឡើង ព្រោះហេតុប្បច្ច័យ ធម៌ជាអកុសល ពឹងផ្អែកនឹងធម៌មិនមែនជាកុសល ទើបកើតឡើង ព្រោះហេតុប្បច្ច័យ ធម៌ជាអព្យាក្រឹត ពឹងផ្អែកនឹងធម៌មិនមែនជាកុសល ទើបកើតឡើង ព្រោះហេតុប្បច្ច័យ ធម៌ជាកុសលក្តី ជាអព្យាក្រឹតក្តី ពឹងផ្អែកនឹងធម៌មិនមែនជាកុសល ទើបកើតឡើង ព្រោះហេតុប្បច្ច័យ ធម៌ជាអកុសលក្តី ជាអព្យាក្រឹតក្តី ពឹងផ្អែកនឹងធម៌មិនមែនជាកុសល ទើបកើតឡើង ព្រោះហេតុប្បច្ច័យ មានវារៈ៥។ ធម៌ជាអកុសល ពឹងផ្អែកនឹងធម៌មិនមែនជាអកុសល ទើបកើតឡើង ព្រោះហេតុប្បច្ច័យ មានវារៈ៥។ ធម៌ជាអព្យាក្រឹត ពឹងផ្អែកនឹងធម៌មិនមែនជាអព្យាក្រឹត … មានវារៈ៥ ក្នុងបទណា។ ពឹងផ្អែកនឹងធម៌មិនមែនជាកុសលផង មិនមែនជាអព្យាក្រឹតផង … មានវារៈ៣ ក្នុងបទណា។ ពឹងផ្អែកនឹងធម៌មិនមែនជាអកុសលផង មិនមែនជាអព្យាក្រឹតផង … មានវារៈ៥ ក្នុងបទណា។ ធម៌ជាកុសល ពឹងផ្អែកនឹងធម៌មិនមែនជាកុសលផង មិនមែនជាអកុសលផង ទើបកើតឡើង ព្រោះហេតុប្បច្ច័យ មានវារៈ៥ ក្នុងបទណា។
[១៥] ក្នុងហេតុប្បច្ច័យ មានវារៈ២៦ ក្នុងអារម្មណប្បច្ច័យ មានវារៈ១៣ ក្នុងអវិគតប្បច្ច័យ មានវារៈ២៦។
[១៦] ប៉ែកខាងសំសដ្ឋវារៈ ក្នុងហេតុប្បច្ច័យ មានវារៈ៩។បេ។ ក្នុងអវិគតប្បច្ច័យ មានវារៈ៩។បេ។
ID: 637833227301601979
ទៅកាន់ទំព័រ៖