ព្រះត្រៃបិដក ភាគ ១២

 [​៧៣០​]​ ​ភិក្ខុនី​នៅចាំ​វស្សា​ ​ក្នុង​អាវាស​មិន​មាន​ភិក្ខុ​ ​ត្រូវ​អាបត្ដិ២​ ​គឺ​កំពុង​ក្រាល​សេនាសនៈ​ដោយ​បំណង​ថា​ ​អាត្មាអញ​នឹង​នៅចាំ​វស្សា​ដូច្នេះ​ ​ហើយក៏​តម្កល់​ទឹក​ឆាន់​ទឹក​ប្រើប្រាស់​ ​បោស​បរិវេណ​ ​ត្រូវ​អាបត្ដិ​ទុក្កដ​ ​ត្រូវ​អាបត្ដិ​បាចិត្ដិយៈ​ ​ព្រមគ្នា​នឹង​អរុណរះ​ឡើង​។​
​ ​[​៧៣១​]​ ​ភិក្ខុនី​នៅចាំ​វស្សា​រួចហើយ​ ​មិនបាន​បវារណា​នឹង​ឧភតោ​សង្ឃ​ ​ដោយស្ថាន៣​ ​យ៉ាង​ ​ត្រូវ​អាបត្ដិ១​ ​គឺ​បាចិត្ដិយៈ​។​ ​
​ [​៧៣២​]​ ​ភិក្ខុនី​មិនទៅ​ដើម្បី​ទទួល​ឱវាទ​ក្ដី​ ​ដើម្បី​នៅ​រួបរួម​គ្នា​ក្ដី​ ​ត្រូវ​អាបត្ដិ១​ ​គឺ​អាបត្ដិ​បាចិត្ដិយៈ​។​
​ ​[​៧៣៣​]​ ​ភិក្ខុនី​មិន​សួរ​ឧបោសថ​ផង​ ​មិន​សូម​ឱវាទ​ផង​ ​ត្រូវ​អាបត្ដិ១​ ​គឺ​បាចិត្ដិយៈ​។​ ​
​ [​៧៣៤​]​ ​ភិក្ខុនី​មិនបាន​ប្រាប់​សង្ឃ​ ​ឬ​គណៈ​(​ហើយ​នៅ​)​តែម្នាក់​ ​និង​ម្នាក់​ជាមួយនឹង​បុរស​ ​ឱ្យ​គេ​ទម្លាយ​ពក​ក្ដី​ ​របួស​ក្ដី​ ​ដែល​កើត​ត្រង់​កាយ​ខាងក្រោម​(​១​)​ ​ត្រូវ​អាបត្ដិ២​ ​គឺ​ ​ក្នុង​ប្រយោគ​ដែល​កំពុង​ឱ្យ​គេ​ទម្លាយ​ ​ត្រូវ​អាបត្ដិ​ទុក្កដ​ ​លុះ​ទម្លាយ​រួចហើយ​ ​ត្រូវ​អាបត្ដិ​បាចិត្ដិយៈ​។​ ​

​ចប់​ ​អារាម​វគ្គ​ ​ជាគម្រប់​ ​៦​។​

​(​១​)​ ​សរីរប្រទេស​ខាងក្រោម​តាំងពី​ផ្ចិត​ទៅ​ទល់​ត្រឹម​ក្បាល់​ជង្គង់​។​
ថយ | ទំព័រទី ៣០២ | បន្ទាប់
ID: 636801644500281728
ទៅកាន់ទំព័រ៖