ព្រះត្រៃបិដក ភាគ ១២

[​៣​]​ ​ព្រះ​ថេរៈ​ឈ្មោះ​ឧបាលិ១​ ​ទាស​កៈ១​ ​សោ​ណ​កៈ១​ ​សិ​គ្គ​វៈ១​ ​និង​ព្រះ​មោគ្គល្លី​បុ​ត្ដ១​ ​អង្គ​ទៀត​ ​ជាគម្រប់៥​ ​ព្រះ​ថេរៈ​ទាំងនេះ​ ​ឋិតនៅ​ក្នុង​ទ្វីប​មានឈ្មោះ​ថា​ ​ជម្ពូ​ដ៏​មាន​សិរី​។​ ​ត​អំពី​ព្រះ​ថេរៈ​ទាំងនោះ​មក​ ​ព្រះ​មហា​មហិន្ទ១​ ​ព្រះ​ឥដ្ដិយៈ១​ ​ព្រះ​ឧ​ត្ដិយៈ១​ ​ព្រះ​សម្ពលៈ១​ ​ព្រះ​ភទ្ទ​នាម​ជា​បណ្ឌិត១​ ​ព្រះ​នា​គ​ត្ថេ​រទាំង​នេះ​ ​មាន​ប្រាជ្ញា​ច្រើន​ ​មក​អំពី​ជម្ពូទ្វីប​ ​ហើយ​បាន​មក​នៅក្នុង​លង្កាទ្វីប​ ​ព្រះ​ថេរៈ​ទាំងនោះ​ ​បាន​បង្រៀន​វិនយបិដក​ ​បាន​បង្រៀន​និកាយ​ទាំង៥​ ​គម្ពីរ​ ​ព្រះអភិធម្ម​ទាំង៧គម្ពីរ​ ​ក្នុង​តម្ព​បណ្ណិ​ទ្វីប​ ​(​កោះ​លង្កា​)​។​ ​ត​អំពី​នោះ​មក​ ​(​មាន​ព្រះ​ថ​រៈ​ច្រើន​អង្គ​ទៀត​គឺ​)​ ​ព្រះ​អរិ​ដ្ឋ​ ​ជា​អ្នកមាន​ប្រាជ្ញា១​ ​ព្រះ​តិ​ស្ស​ទត្ដ​ជា​បណ្ឌិត១​ ​ព្រះ​កាឡ​សុ​មន​ត្ថេ​រ​ជា​អ្នក​ក្លៀវក្លា១​ ​