ព្រះត្រៃបិដក ភាគ ១៣

​[​៤៤៨​]​ ​(​និយាយ​ពី​កម្ម៤យ៉ាង​)​ ​គឺ​អបលោកនកម្ម១​ ​ញត្តិកម្ម១​ ​ញត្តិទុតិយកម្ម១​ ​ញត្តិ​ចតុត្ថកម្ម១​ ​(​និង​វិបត្តិ៥យ៉ាង​)​ ​គឺ​វត្ថុ​វិបត្តិ១​ ​ញត្តិ​វិបត្តិ១​ ​អនុ​ស្សា​វន​វិបត្តិ១​ ​សីមា​វិបត្តិ១​ ​បរិ​សវិ​បត្តិ១​ ​(​ឯ​វត្ថុ​វិបត្តិ​នោះ​)​ ​គឺ​សង្ឃ​ត្រូវ​ធ្វើ​កម្ម​ក្នុង​ទី​ចំពោះមុខ​ ​បែរជា​ធ្វើ​ក្នុង​ទី​កំបាំងមុខ​វិញ​ ​សង្ឃ​គួរ​សាកសួរ​ ​បែរជា​មិន​សាកសួរ​វិញ​ ​សង្ឃ​គួរ​ធ្វើ​កម្ម​តាម​ប្តេជ្ញា​ ​បែរជា​ធ្វើ​មិន​តាម​ពាក្យ​ប្តេជ្ញា​វិញ​ ​សង្ឃ​ធ្វើ​កម្ម​ដល់​ភិក្ខុ​ដែល​គួរ​ដល់​សតិវិន័យ​ ​(​ជាដើម​ញត្តិ​វិបត្តិ​នោះ​)​ ​គឺ​សូត្រ​ញត្តិ​មិន​ចេញឈ្មោះ​វត្ថុ១​ ​មិន​ចេញឈ្មោះ​សង្ឃ១​ ​មិន​ចេញឈ្មោះ​បុគ្គល១​ ​មិន​តាំង​ញត្តិ១​ ​ឬ​តាំង​ញត្តិ​ក្រោយ​កម្មវាចា១​ ​(​អនុ​ស្សា​វន​វិបត្តិ​នោះ​)​