ព្រះត្រៃបិដក ភាគ ១៩

 [​១២៨​]​ ​ធម៌​ដែល​បុគ្គល​ត្រូវ​ធ្វើឲ្យ​ជាក់ច្បាស់៤យ៉ាង​ ​គឺ​បុព្វេ​និវាស​ ​(​ដែល​ខ្លួន​អាស្រ័យ​នៅក្នុង​កាលមុន​)​ ​ត្រូវ​ធ្វើឲ្យ​ជាក់ច្បាស់​ ​ដោយ​សតិ១​ ​ចុតូ​ប​បាត​ ​(​ចុតិ​ ​និង​បដិសន្ធិ​)​ ​របស់​សត្វ​ទាំងឡាយ​ ​ត្រូវ​ធ្វើឲ្យ​ជាក់ច្បាស់​ ​ដោយ​ទិព្វចក្ខុ១​ ​វិមោក្ខ៨ប្រការ​ ​ត្រូវ​ធ្វើឲ្យ​ជាក់ច្បាស់​ដោយ​នាមកាយ១​ ​ធម៌​ជា​គ្រឿង​អស់​ទៅ​នៃ​អាសវៈ​ទាំងឡាយ​ ​ត្រូវ​ធ្វើឲ្យ​ជាក់ច្បាស់​ ​ដោយ​អរហត្តផល​បញ្ញា១​។​
​ [​១២៩​]​ ​ឱឃៈ​ ​(​ធម៌​ជា​គ្រឿង​ពន្លិច​សត្វ​)​៤យ៉ាងគឺ​ ​កាមោឃៈ​(​១​)​ ​១​ ​ភវោឃៈ​(​២​)​ ​១​ ​ទិដ្ឋោឃៈ​(​៣​)​ ​១​ ​អវិជ្ជោឃៈ​(​៤​)​ ​១​។​
​ [​១៣០​]​ ​យោ​គៈ​ ​(​ធម៌​ជា​គ្រឿង​ប្រកប​សត្វ​ក្នុង​វដ្តៈ​)​ ​៤យ៉ាង​ ​គឺ​ ​កាម​យោ​គៈ១​ ​ភវ​យោ​គៈ១​ ​ទិដ្ឋិ​យោ​គៈ១​ ​អវិជ្ជា​យោ​គៈ១​។​
​ [​១៣១​]​ ​វិ​សំ​យោ​គៈ​ ​(​ធម៌​ជា​គ្រឿង​ដោះ​សត្វ​)​៤យ៉ាង​ ​គឺ​ធម៌​ជា​គ្រឿង​ដោះ​សត្វ​ ​ចាក​កាម​យោ​គៈ​(​៥​)​ ​១​ ​ធម៌​ជា​គ្រឿង​ដោះ​សត្វ​ចាក​ភវ​យោ​គៈ​(​៦​)​ ​១​ ​ធម៌​ជា​គ្រឿង​ដោះ​សត្វ​ចាក​ទិដ្ឋិ​យោ​គៈ​(​៧​)​ ​១​ ​ធម៌​ជា​គ្រឿង​ដោះ​សត្វ​ ​ចាក​អវិជ្ជា​យោ​គៈ​(​៨​)​ ​១​។
​(​១​)​ ​រាគៈ​ ​ប្រកបដោយ​កាមគុណ​ទាំង៥​ ​ហៅថា​ ​កាមោឃៈ​។​ ​(​២​)​ ​ឆន្ទ​រាគ​ប្រព្រឹត្តទៅ​ក្នុង​រូបភព​ ​និង​អរូបភព​ ​ហៅថា​ ​ភវោឃៈ​។​ ​មួយទៀត​ថា​ ​សេចក្តី​អាល័យ​ក្នុង​ឈាន​ក្តី​ ​រាគ​ប្រកបដោយ​សស្ស​ត​ទិដ្ឋិ​ក្តី​ ​ហៅថា​ ​ភវោឃៈ​ដែរ​។​ ​(​៣​)​ ​ទិដ្ឋិ៦២​ ​ហៅថា​ ​ទិដ្ឋោឃៈ​។​ ​(​៤​)​ ​សេចក្តី​មិនដឹង​ក្នុង​អរិយសច្ច​ទាំង៤​ ​ហៅថា​ ​អវិជ្ជោឃៈ​។​ ​(​៥​)​ ​សំដៅយក​អសុភ​ជ្ឈាន​ ​ឬ​អនាគាមិមគ្គ​។​ ​(​៦​)​ ​អរហត្តមគ្គ​។​ ​(​៧​)​ ​សោតាបត្តិ​មគ្គ​។​ ​(​៨​)​ ​អរហត្តមគ្គ​ ​(​អដ្ឋកថា​)​។​
ថយ | ទំព័រទី ១៦៦ | បន្ទាប់
ID: 636818958763708109
ទៅកាន់ទំព័រ៖