ព្រះត្រៃបិដក ភាគ ១៩

អាច​ស្ទាប​ជង្គង់​ដោយដៃ​ទាំងពីរ​បាន​ ​មាន​បរិមណ្ឌល​ ​(​នៃ​កាយ​)​ ​ដូច​បរិមណ្ឌល​នៃ​ដើម​ជ្រៃ​ ​ដែល​ដុះឡើង​អំពី​ផែនដី​ ​ព្រោះ​សេសសល់​វិបាក​នៃ​អំពើ​សុចរិត​ ​(​នោះ​ឯង​)​។​ ​ពួក​មនុស្ស​ ​ដែល​មាន​ប្រាជ្ញាល្អិត​ជ្រាលជ្រៅ​ ​ដឹង​នូវ​លក្ខណៈ​នៃ​និ​មិត្ត​ផ្សេង​ៗ​ជាច្រើន​ ​នាំគ្នា​ទាយ​ថា​ ​ព្រះរាជ​កុមារ​កំឡោះ​ក្មេង​នេះ​ ​នឹង​បាន​នូវ​របស់​ដ៏​សមគួរ​ ​ដល់​គ្រហស្ថ​ច្រើនប្រការ​ផង​ ​ជា​អ្នកមាន​ភោគ​សម្បត្តិ​ ​ដែល​គួរ​ប្រាថ្នា​របស់​ស្តេច​ ​និង​សមគួរ​ដល់​ពួក​គ្រហស្ថ​ ​ក្នុង​លោក​នេះ​ជាច្រើន​ផង​ ​បើ​ព្រះរាជ​កុមារ​នេះ​ ​លះបង់​នូវ​កាម​ភោគៈ​ទាំងអស់​ ​(​ហើយ​ចេញទៅ​ទ្រង់ព្រះ​ផ្នួស​)​ ​នឹង​បានទ្រព្យ​ដ៏​ខ្ពស់ខ្ពស់​ថ្លៃថ្លា​ ​រក​ទ្រព្យ​ឯទៀត​ឲ្យលើស​លុប​ជាង​មិន​មាន​ឡើយ​។​ ​