ព្រះត្រៃបិដក ភាគ ២១

មាន​ដូចម្តេច​បាន​ ​(​កាលបើ​គិត​ដូច្នេះហើយ​)​ ​សេចក្តី​ប្រកាន់​ ​ដោយអំណាច​តណ្ហា​ ​មានះ​ ​ទិដ្ឋិ​ ​ក្នុង​អាបោធាតុ​ជា​ខាងក្នុង​នុ៎ះ​ ​របស់​ភិក្ខុ​នោះ​ ​មិន​មាន​ឡើយ​។​ ​ម្នាល​អ្នក​ទាំងឡាយ​មាន​អាយុ​ ​កាលបើ​ភិក្ខុ​នោះ​ ​រឭក​នូវ​ព្រះពុទ្ធ​យ៉ាងនេះ​ ​រឭក​នូវ​ព្រះធម៌​យ៉ាងនេះ​ ​រឭក​នូវ​ព្រះសង្ឃ​យ៉ាងនេះ​ហើយ​ ​ទើប​ឧបេក្ខា​ដែល​អាស្រ័យ​កុសល​តាំងនៅ​នឹង​បាន​។​ ​ភិក្ខុ​នោះ​ ​មានចិត្ត​ត្រេកអរ​ ​ដោយហេតុ​នោះ​។​ ​ម្នាល​អ្នក​ទាំងឡាយ​មាន​អាយុ​ ​ភិក្ខុ​នោះ​ឈ្មោះថា​ ​ធ្វើតាម​ពាក្យ​ប្រដៅ​ ​របស់​ព្រះ​មាន​ព្រះ​ភា​គ​រឿយ​ៗ​ហើយ​ ​ដោយហេតុ​មាន​ប្រមាណ​ប៉ុណ្ណេះ​ឯង​។​
​ [​៨២​]​ ​ម្នាល​អ្នក​ទាំងឡាយ​មាន​អាយុ​ ​តេជោធាតុ​ ​ដូចម្តេច​ខ្លះ​។​ ​តេជោធាតុ​ខាងក្នុង​ក៏​មាន​ ​តេជោធាតុ​ខាងក្រៅ​ក៏​មាន​។​ ​ម្នាល​អ្នក​ទាំងឡាយ​មាន​អាយុ​ ​តេជោធាតុ​ខាងក្នុង​ ​តើ​ដូចម្តេច​។​ ​ធាតុ​ណា​ ​ជា​ខាងក្នុង​ ​ដែល​អាស្រ័យ​នូវ​នឹង​ខ្លួន​ ​ជា​ភ្លើង​ ​ឬ​មាន​សភាព​ប្រហែល​នឹង​ភ្លើង​ ​ដែល​វិញ្ញាណ​ចូល​ទៅកាន់​យក​ ​គឺ​តេជោធាតុ​ ​ដែល​ញ៉ាំង​កាយ​ឲ្យ​ក្តៅ​សព្វ១​ ​តេជោធាតុ​ ​ដែល​ធ្វើ​កាយ​ឲ្យ​គ្រាំគ្រា១​ ​តេជោធាតុ​ ​ដែល​ដុត​កាយ​ ​ឲ្យ​ក្រហល់ក្រហាយ១​ ​តេជោធាតុ​ ​សម្រាប់​ដុត​ភោជន​ ​ដែល​បុគ្គល​ស៊ី​ ​ផឹក​ ​ទំពាស៊ី​ ​ជញ្ជក់​ជញ្ជាប់​ ​ឲ្យ​ទ្រុឌទ្រោម​ទៅ​ ​ដោយ​ប្រពៃ១​
ថយ | ទំព័រទី ២០៣ | បន្ទាប់
ID: 636822569899693273
ទៅកាន់ទំព័រ៖