ព្រះត្រៃបិដក ភាគ ២៣
[៨៨] ព្រះមានព្រះភាគ ទ្រង់សំដែងថា ម្នាលបុណ្ណៈ កម្មទាំងឡាយ៤ប្រការនេះ តថាគត បានធ្វើឲ្យជាក់ច្បាស់ ត្រាស់ដឹងដោយប្រាជ្ញាខ្លួនឯង កម្មទាំងឡាយ៤ប្រការ តើដូចម្តេច ម្នាលបុណ្ណៈ កម្ម
(១) ខ្មៅ មានវិបាកខ្មៅ
(២) ១ ម្នាលបុណ្ណៈ កម្មស
(៣) មានវិបាកស
(៤) ១ ម្នាលបុណ្ណៈ កម្មខ្មៅ និងកម្មស
(៥) មានវិបាកខ្មៅ និងស
(៦) ១ ម្នាលបុណ្ណៈ កម្មមិនខ្មៅ មិនស
(៧) មានវិបាកមិនខ្មៅ មិនស តែងប្រព្រឹត្តទៅដើម្បីអស់ទៅនៃកម្ម១។ ម្នាលបុណ្ណៈ ឯកម្មខ្មៅ មានវិបាកខ្មៅនោះ ដូចម្តេច ម្នាលបុណ្ណៈ បុគ្គលពួកមួយ ក្នុងលោកនេះ តាក់តែងនូវកាយសង្ខារ ប្រកបដោយព្យាបាទ តាក់តែងនូវវចីសង្ខារ ប្រកបដោយព្យាបាទ តាក់តែងនូវមនោសង្ខារ ប្រកបដោយព្យាបាទ បុគ្គលនោះ លុះបានតាក់តែងនូវកាយសង្ខារ ប្រកបដោយព្យាបាទ តាក់តែងនូវវចីសង្ខារ ប្រកបដោយព្យាបាទ តាក់តែងនូវមនោសង្ខារ ប្រកបដោយព្យាបាទហើយ ក៏ទៅកើតក្នុងលោក ដែលប្រកបដោយព្យាបាទ
(១) បានដល់អកុសលកម្មបថ១០ប្រការ។ (២) នាំឲ្យទៅកើតក្នុងអបាយ។ (៣) បានដល់កុសលកម្មបថ១០ប្រការ។ (៤) នាំឲ្យកើតក្នុងឋានសួគ៌។ (៥) កម្មខ្មៅ និងស ច្រឡូកច្រឡំគ្នា។ (៦) ឲ្យផលជាសុខខ្លះ ជាទុក្ខខ្លះ។ (៧) បានដល់ចេតនាកម្ម ដ៏សម្បយុត្តដោយមគ្គ៤។
ID: 636826507632165557
ទៅកាន់ទំព័រ៖