ព្រះត្រៃបិដក ភាគ ២៣

បិដក ភាគ ២៣ - ទំព័រទី ១៦៤

​(​១​)​ ​វេទនា៤នោះ​ ​មិនឃើញ​មាន​ពន្យល់​ក្នុង​អដ្ឋកថា​សោះ​។​ ​(​២​)​ ​វេទនា៥នោះ​គឺ​ ​សុខវេទនា១​ ​ទុក្ខវេទនា១​ ​ឧបេក្ខា​វេទនា១​ ​សោមនស្ស​វេទនា១​ ​ទោមនស្សវេទនា១​។​ ​(​៣​)​ ​វេទនា៦នោះ​គឺ​ ​ចក្ខុសម្ផស្ស​ ​ជា​វេទនា១​ ​សោតសម្ផស្ស​ ​ជា​វេទនា១​ ​ឃាន​សម្ផស្ស​ ​ជា​វេទនា១​ ​ជិវ្ហាសម្ផស្ស​ ​ជា​វេទនា១​ ​កាយសម្ផស្ស​ ​ជា​វេទនា១​ ​មនោ​សម្ផស្ស​ ​ជា​វេទនា១​។​ ​(​៤​)​ ​វេទនា១៨នោះ​ ​លោក​ចែក​តាម​អារម្មណ៍​ទាំង៦​ ​មាន​រូបារម្មណ៍​ជាដើម​ ​ហើយ​យក​អារម្មណ៍​ទាំងនោះ​ ​មក​ចែក​ជា​វេទ​នា​បីៗ​ ​គឺជា​ ​សោមនស្ស​វេទនា១​ ​ទោមនស្សវេទនា១​ ​ឧបេក្ខា​វេទនា១​ ​ដរាប​ទាល់តែ​គ្រប់​អារម្មណ៍​ទាំង៦​ ​រួម​បីៗ​ ​៦ដង​ ​ជា១៨​។​ ​(​៥​)​ ​វេទនា៣៦នោះ​ ​លោក​ចាត់​តាម​បញ្ចកាមគុណ​ ​និង​ការ​ចេញ​ចាក​កាម៦ៗ​ ​ដូច្នេះ​ ​គឺ​ ​គេហ​សិត​សោមនស្ស៦​ ​នេ​ក្ខម្ម​សិត​សោមនស្ស៦​ ​គេហ​សិត​ទោមនស្ស៦​ ​នេ​ក្ខម្ម​សិត​ទោមនស្ស៦​ ​គេហ​សិត​ឧបេក្ខា៦​ ​នេ​ក្ខម្ម​សិត​ឧបេក្ខា៦​ ​រួម​ផងគ្នា​ ​ត្រូវជា៣៦​។​

ថយ | ទំព័រទី ១៦៤ | បន្ទាប់