ព្រះត្រៃបិដក ភាគ ២៥

​បុគ្គល​ណា​ ​មិន​ជាប់​ ​ក្នុង​កាម​ទាំងឡាយ​ ​ដូច​ទឹក​មិន​ជាប់​លើ​ស្លឹក​ឈូក​ ​ឬដូច​គ្រាប់​ស្ពៃ​ ​មិន​ជាប់​លើ​ចុង​នៃ​ដែក​ស្រួច​ ​តថាគត​ ​ពោល​នូវ​បុគ្គល​នោះ​ ​ថា​ជា​ព្រាហ្មណ៍​ ​បុគ្គល​ណា​ ​ក្នុង​លោក​នេះ​ ​ដឹង​ច្បាស់​នូវ​ការ​អស់​ទៅ​ ​នៃ​ទុក្ខ​របស់​ខ្លួន​ ​តថាគត​ ​ពោល​នូវ​បុគ្គល​នោះ​ ​ដែល​មានភារៈ​ដាក់ចុះ​ហើយ​ ​ប្រាសចាក​កិលេស​ហើយ​ ​ថា​ជា​ព្រាហ្មណ៍​ ​បុគ្គល​ណា​ ​ជា​អ្នកប្រាជ្ញ​ ​មាន​ប្រាជ្ញា​ជ្រាលជ្រៅ​ ​ឈ្លាសវៃ​ ​ក្នុង​មគ្គ​ ​និង​មិនមែន​មគ្គ​ ​មានប្រយោជន៍​ដ៏​ខ្ពស់​សម្រេច​ហើយ​ ​តថាគត​ ​ពោល​នូវ​បុគ្គល​នោះ​ ​ថា​ជា​ព្រាហ្មណ៍​ ​បុគ្គល​ណា​ ​មិន​ច្រឡំ​ដោយ​បុគ្គល​ទាំងពីរ​ពួក​ ​គឺ​គ្រហស្ថ​ ​និង​បព្វជិត​ ​មិនបាន​ជាប់​នៅក្នុង​អាល័យ​ ​គឺ​កាមគុណ​ ​ទាំង​មិន​មាន​សេចក្តី​ប្រាថ្នា​ ​តថាគត​ ​ពោល​នូវ​បុគ្គល​នោះ​ ​ថា​ជា​ព្រាហ្មណ៍​ ​បុគ្គល​ណា​ ​ដាក់ចុះ​នូវ​អាជ្ញា​ ​ក្នុង​