ព្រះត្រៃបិដក ភាគ ២៦
[១២៧] បពិត្រព្រះអង្គដ៏ចំរើន អ្វីជាគុណ
(១) អ្វីជាទោសក្នុងរូប អ្វីជាគ្រឿងរលាស់ចោលនូវរូប អ្វីជាគុណ អ្វីជាទោស
(២) ក្នុងវេទនា អ្វីជាគ្រឿងរលាស់ចោលនូវវេទនា អ្វីជាគុណ អ្វីជាទោស ក្នុងសញ្ញា អ្វីជាគ្រឿងរលាស់ចោលនូវសញ្ញា អ្វីជាគុណ អ្វីជាទោស ក្នុងសង្ខារ អ្វីជាគ្រឿងរលាស់ចោលនូវសង្ខារ អ្វីជាគុណ អ្វីជាទោស ក្នុងវិញ្ញាណ អ្វីជាគ្រឿងរលាស់ចោលនូវវិញ្ញាណ។ ម្នាលភិក្ខុ សេចក្តីសុខ សោមនស្ស ណា តែងកើតឡើង ព្រោះអាស្រ័យរូប នេះជាគុណក្នុងរូប រូបណាមិនទៀង ជាទុក្ខ មានសេចក្តីប្រែប្រួលជាធម្មតា នេះជាទោសក្នុងរូប ការបន្ទោបង់ នូវសេចក្តីត្រេកត្រអាល និងការលះបង់ នូវសេចក្តីត្រេកត្រអាល ក្នុងរូបណា នេះជាគ្រឿងរលាស់ចោលនូវរូប ម្នាលភិក្ខុ មួយទៀត សេចក្តីសុខ សោមនស្សណា តែងកើតឡើង ព្រោះអាស្រ័យវេទនា នេះជាគុណក្នុងវេទនា វេទនាណា មិនទៀង ជាទុក្ខ មានសេចក្តីប្រែប្រួលជាធម្មតា នេះជាទោសក្នុងវេទនា
(១) ប្រែថា សេចក្តីចាប់ចិត្ត ឬពេញចិត្តក៏បាន។ (២) សេចក្តីទាស់ចិត្ត ក៏បាន។
ID: 636831775877353877
ទៅកាន់ទំព័រ៖