ព្រះត្រៃបិដក ភាគ ២៨

​បុគ្គល​ណា​ ​ជា​អ្នកមានសីល​ ​មានចិត្ត​ជ្រះថ្លា​ ​ដោយ​ប្រពៃ​ ​ជឿស៊ប់​នូវ​កម្ម​ ​និង​ផល​របស់​កម្ម​ ​ដ៏​លើសលុប​ ​ឲ្យ​ទាន​ដែល​ខ្លួន​បាន​មក​ ​ដោយ​ធម៌​ ​ចំពោះ​ពួក​បុគ្គល​ទ្រុស្តសីល​ ​ទក្ខិណា​នោះ​ ​បរិសុទ្ធ​ខាង​អ្នកឲ្យ​ ​បុគ្គល​ណា​ ​ជា​អ្នក​ទ្រុស្តសីល​ ​មានចិត្ត​មិនបាន​ជ្រះថ្លា​ ​មិន​ជឿស៊ប់​នូវ​កម្ម​ ​និង​ផល​របស់​កម្ម​ ​ដ៏​លើសលុប​ ​ឲ្យ​ទាន​ដែល​ខ្លួន​បាន​មក​ ​មិន​ដោយ​ធម៌​ ​ចំពោះ​ពួក​បុគ្គល​អ្នកមានសីល​ ​ទក្ខិណា​នោះ​ ​បរិសុទ្ធ​ខាង​អ្នកទទួល​ ​បុគ្គល​ណា​ ​ជា​អ្នក​ទ្រុស្តសីល​ ​មានចិត្ត​មិនបាន​ជ្រះថ្លា​ ​មិន​ជឿស៊ប់​នូវ​កម្ម​ ​និង​ផល​របស់​កម្ម​ ​ដ៏​លើសលុប​ ​ឲ្យ​ទាន​ដែល​ខ្លួន​បាន​មក​មិន​ដោយ​ធម៌​ ​ចំពោះ​ពួក​បុគ្គល​ទ្រុស្តសីល​ ​តថាគត​ ​មិន​ពោល​ថា​ ​ទាន​នោះ​ ​មានផល​ដ៏​បរិបូណ៌​ទេ​ ​