ព្រះត្រៃបិដក ភាគ ២៩

​ការ​រឹបជាន់​ ​សម្រេច​ដល់​បុរស​នោះ​ ​ដរាបណា​ ​បុរស​នោះ​ ​ឈ្មោះថា​ ​រឹបជាន់​គេ​ ​ដរាប​នោះ​ ​ជន​ទាំងឡាយ​ដទៃ​ ​រឹបជាន់​គេ​ក្នុង​កាលណា​ ​គេ​ដែល​ពួក​ជន​ដទៃ​រឹបជាន់​នោះ​ ​នឹង​រឹបជាន់​វិញ​ ​ក្នុង​កាលនោះ​ ​បាប​មិនទាន់​ឲ្យផល​ ​ដរាបណា​ ​បុគ្គល​ពាល​ ​តែង​សំគាល់​បាប​នោះ​ថា​ ​គ្រាន់តែ​ជាហេតុ​ ​ដរាប​នោះ​ ​លុះតែ​បាប​ឲ្យផល​ ​ក្នុង​កាលណា​ ​បុគ្គល​ពាល​ ​រមែង​ដល់​នូវ​ទុក្ខ​ ​ក្នុង​កាលនោះ​ ​អ្នកសម្លាប់​គេ​ ​តែង​បាន​គេ​សម្លាប់​ខ្លួន​វិញ​ ​អ្នកឈ្នះ​គេ​ ​តែង​បាន​គេ​ឈ្នះ​ខ្លួន​វិញ​ ​អ្នក​ជេរ​គេ​ ​តែង​បាន​គេ​ជេរ​ខ្លួន​វិញ​ ​អ្នក​ប្រទូស្ត​គេ​ ​តែង​បាន​គេ​ប្រទូស្ត​ខ្លួន​វិញ​ ​មួយទៀត​ ​អ្នក​ដែលគេ​រឹបជាន់​នោះ​ ​រមែង​រឹបជាន់​គេ​វិញ​ ​តាម​ការដែល​ផ្លាស់​ប្តូរ​នៃ​កម្ម​។​