ព្រះត្រៃបិដក ភាគ ២៩

​[​២១១​]​ ​ទេវតា​ទូល​ថា​ ​អ្វី​ ​រមែង​ចាស់ជរា​ ​អ្វី​ ​រមែង​មិន​ចាស់ជរា​ ​អ្វី​ ​ហៅថា​ផ្លូវខុស​ ​អ្វី​ ​ជា​សេចក្តី​អន្តរាយ​នៃ​ធម៌​ទាំងឡាយ​ ​អ្វី​ ​អស់​ទៅតាម​យប់​និង​ថ្ងៃ​ ​អ្វី​ ​ជា​មន្ទិល​នៃ​ព្រហ្មចរិយៈ​ ​អ្វី​ ​ជា​ធម្មជាត​សម្រាប់​លាង​ជម្រះ​ ​មិន​ចាំបាច់​មាន​ទឹក​ ​ចិត្ត​រមែង​មិន​ឋិតនៅ​ក្នុង​ច្រក​ទាំងឡាយ​ណា​ ​ច្រក​ទាំងនោះ​ ​តើមាន​ប៉ុន្មាន​ក្នុង​លោក​ ​យើងខ្ញុំ​ព្រះអង្គ​ ​នាំគ្នា​មក​គាល់​ព្រះមានព្រះភាគ​ ​ធ្វើ​ម្តេច​ហ្ន៎​ ​នឹង​ដឹង​នូវ​សេចក្តី​នោះ​បាន​។​
​[​២១២​]​ ​ព្រះមានព្រះភាគ​ត្រាស់​ថា​ ​រូប​របស់​សត្វ​ទាំងឡាយ​ ​រមែង​ចាស់ជរា​ ​នាម​ ​និង​គោត្រ​ ​រមែង​មិន​ចាស់ជរា​ឡើយ​ ​រាគៈ​ ​ហៅថា​ផ្លូវខុស​ ​លោភៈ​ ​ជា​សេចក្តី​អន្តរាយ​ ​នៃ​ធម៌​ទាំងឡាយ​ ​វ័យ​ ​អស់​ទៅតាម​យប់​ ​និង​ថ្ងៃ​ ​