ព្រះត្រៃបិដក ភាគ ២៩

​[​២៩​]​ ​ព្រះអង្គ​ត្រាស់​ថា​ ​សេចក្តី​ស្រឡាញ់​ស្មើនឹង​ខ្លួន​ ​មិន​មាន​ ​ទ្រព្យ​ស្មើនឹង​ស្រូវ​ ​មិន​មាន​ ​ពន្លឺ​ស្មើនឹង​ប្រាជ្ញា​មិន​មាន​ ​ទឹកភ្លៀង​ហ្នឹងឯង​ ​ទុកជា​ស្រះ​ប្រសើរ​ជាង​។​

​ខត្តិយ​សូត្រ​ ​ទី៤​


 [​៣០​]​ ​លុះ​ទេវតា​នោះ​ ​ឈរ​ក្នុង​ទី​ដ៏​សមគួរ​ហើយ​ ​ទើប​ពោល​គាថា​នេះ​ ​ក្នុង​សំណាក់​នៃ​ព្រះមានព្រះភាគ​ថា​ ​
​ក្សត្រិយ៍​ប្រសើរ​ជាង​ពួក​សត្វ​ជើង២​ ​គោ​ ​ប្រសើរ​ជាង​ពួក​សត្វ​ជើង៤​ ​ប្រពន្ធ​ក្មេង​ ​ប្រសើរ​ជាង​ប្រពន្ធ​ទាំងឡាយ​ ​កូនច្បង​ប្រសើរ​ជាង​កូន​ទាំងឡាយ​។​
​[​៣១​]​ ​ព្រះអង្គ​ត្រាស់​ថា​ ​ព្រះសម្ពុទ្ធ​ប្រសើរ​ជាង​ពួក​សត្វ​ជើង២​ ​អាជានេយ្យ​(​១​)​ ​ប្រសើរ​ជាង​ពួក​សត្វ​ជើង៤​ ​ប្រពន្ធ​ស្តាប់​បង្គាប់​ ​ប្រសើរ​ជាង​ប្រពន្ធ​ទាំងឡាយ​ ​កូន​ដែល​ស្តាប់​ឱវាទ​ ​ប្រសើរ​ជាង​កូន​ទាំងឡាយ​។​

​(​១​)​ ​អដ្ឋកថា​ ​ដំរី​ក្តី​ ​សេះ​ក្តី​ ​គោ​ក្តី​ ​ដែល​ចេះដឹង​ ​យល់​ហេតុ​ឆាប់​បាន​ ​ហៅថា​ ​អាជានេយ្យ​។​
ថយ | ទំព័រទី ១៥ | បន្ទាប់
ID: 636848361403018918
ទៅកាន់ទំព័រ៖