ព្រះត្រៃបិដក ភាគ ០៣

ទាយក​ទាំងឡាយ​ទិញ​ចីវរ​វែង​ក្ដី​ ​ធំ​ក្ដី​ ​មានសាច់​ជិត​ក្ដី​ ​មានសាច់​ល្អិត​ក្ដី​ ​តាម​ពាក្យ​ភិក្ខុ​នោះ​ ​ភិក្ខុ​នោះ​ ​ត្រូវ​ទុក្កដ​ក្នុង​ប្រយោគ​ដែល​ប្រើ​ ​ចីវរ​នោះ​ជា​និ​ស្ស​គ្គិ​យក្នុង​ខណៈ​ដែល​បាន​មក​ ​ភិក្ខុ​ត្រូវ​លះ​ដល់​សង្ឃ​ក្ដី​ ​ដល់​គណៈ​ក្ដី​ ​ដល់​បុគ្គល​ក្ដី​។​ ​ម្នាល​ភិក្ខុ​ទាំងឡាយ​ ​ចីវរ​នោះ​ភិក្ខុ​ត្រូវ​លះ​យ៉ាងនេះ​។​បេ​។​ ​បពិត្រ​ព្រះសង្ឃ​ដ៏​ចម្រើន​ ​ចីវរ​ខ្ញុំ​នេះ​ ​គេ​មិនបាន​បវារណា​ជាមុន​ ​ខ្ញុំ​ចូល​ទៅ​រក​គហបតិ​មិនមែន​ជា​ញាតិ​ ​ហើយ​កំណត់​ចីវរ​ ​ជា​និ​ស្ស​គ្គិ​យ​ ​ខ្ញុំ​សូម​លះ​ចីវរ​នេះ​ដល់​សង្ឃ​។​បេ​។​ ​សង្ឃ​គប្បី​ឱ្យ​។​បេ​។​ ​លោក​ដ៏​មាន​អាយុ​ ​ទាំងឡាយ​គប្បី​ឱ្យ​។​បេ​។​ ​ខ្ញុំ​ឱ្យ​ដល់​លោក​ដ៏​មាន​អាយុ​។​
 [​៦៨​]​ ​គហបតិ​មិនមែន​ជា​ញាតិ​ ​ភិក្ខុ​សំគាល់​ថា​មិនមែន​ជា​ញាតិ​ ​គេ​មិនបាន​បវារណា​មុន​ ​ចូល​ទៅ​រក​គហបតិ​ទាំងឡាយ​ ​ហើយ​កំណត់​ចីវរ​ ​ត្រូវ​និ​ស្ស​គ្គិ​យ​បា​ចិ​ត្ដិយ​។​ ​គហបតិ​មិនមែន​ជា​ញាតិ​ ​ភិក្ខុ​មាន​សេចក្ដីសង្ស័យ​ ​គេ​មិនបាន​បវារណា​មុន​ ​ចូល​ទៅ​រក​គហបតិ​ទាំងឡាយ​ ​ហើយ​ ​កំណត់​ចីវរ​ ​ត្រូវ​និ​ស្ស​គ្គិ​យ​បា​ចិ​ត្ដិយ​។
ថយ | ទំព័រទី ៧៣ | បន្ទាប់
ទៅកាន់ទំព័រ៖