ព្រះត្រៃបិដក ភាគ ៣០

​[​១៤១​]​ ​ព្រះអង្គ​ត្រាស់​ថា​ ​តថាគត​ ​មិន​គួរ​បរិភោគភោជន​ ​ដែល​បាន​អំពី​ការ​ពោល​គាថា​ ​ដូចជា​ចម្រៀង​ទេ​ ​ម្នាល​ព្រាហ្មណ៍​ ​ធម៌​នេះ​ ​មិនមែន​ជា​ធម៌​ ​របស់​ពួក​បុគ្គល​អ្នក​ឃើញ​ធម៌អាថ៌​ទេ​ ​ព្រះពុទ្ធ​ទាំងឡាយ​ ​តែង​បន្ទោបង់​ ​នូវ​ការ​ពោល​គាថា​ ​ដូចជា​ចម្រៀង​ ​ម្នាល​ព្រាហ្មណ៍​ ​កាលបើ​ធម៌​មាន​ហើយ​ ​នេះឯង​ ​ជា​ការ​ចិញ្ចឹមជីវិត​ ​ចូរ​អ្នក​ទំនុកបម្រុង​ព្រះ​ខីណាស្រព​ ​ដែល​មានគុណ​បរិបូណ៌​ ​អ្នក​ស្វែងរក​នូវ​គុណ​ដ៏​ធំ​ ​អ្នក​រម្ងាប់​នូវ​សេចក្តី​រពឹស​ ​ដោយ​បាយ​ ​និង​ទឹក​ដទៃ​ចុះ​ ​ព្រោះថា​ ​នោះ​ជា​ខេត្ត​ ​របស់​បុគ្គល​អ្នក​ប្រាថ្នា​នូវ​បុណ្យ​។​