ព្រះត្រៃបិដក ភាគ ៣០

​[​៣១៩​]​ ​អា​ឡ​វក​យក្ស​ ​សួរ​ថា​ ​អ្វី​ហ្ន៎​ ​ជា​ទ្រព្យ​ប្រសើរ​ ​របស់​បុរស​ក្នុង​លោក​នេះ​ ​អ្វី​ហ្ន៎​ ​ដែល​បុគ្គល​សន្សំ​ដោយ​ប្រពៃ​ហើយ​ ​នាំ​សេចក្តី​សុខ​មក​ឲ្យ​ ​របស់​អ្វី​ ​ដែល​មាន​រស​ឆ្ងាញ់​ ​វិសេស​ជាង​រស​ទាំងឡាយ​ ​ពួក​អ្នកប្រាជ្ញ​ពោល​ថា​ ​បុគ្គល​ដែល​រស់នៅ​ ​ដូចម្តេច​ ​ឈ្មោះថា​ ​រស់នៅ​ប្រសើរ​។​
​[​៣២០​]​ ​ព្រះអង្គ​ត្រាស់​ថា​ ​សទ្ធា​ជា​ទ្រព្យ​ប្រសើរ​ ​របស់​បុរស​ក្នុង​លោក​នេះ​ ​សុចរិតធម៌​ ​ដែល​បុគ្គល​សន្សំ​ដោយ​ប្រពៃ​ ​តែង​នាំ​សេចក្តី​សុខ​មក​ឲ្យ​ ​ពាក្យពិត​ ​ជា​រស​ឆ្ងាញ់​ ​វិសេស​ជាង​រស​ទាំងឡាយ​ ​ពួក​អ្នកប្រាជ្ញ​ពោល​ថា​ ​បុគ្គល​ដែល​រស់នៅ​ ​ដោយ​ប្រាជ្ញា​ ​ឈ្មោះថា​ ​រស់នៅ​ប្រសើរ​។​
​[​៣២១​]​ ​អា​.​ ​បុគ្គល​ឆ្លង​អន្លង់​បាន​ ​ដោយ​អ្វី​ហ្ន៎​ ​ឆ្លង​សមុទ្រ​បាន​ ​ដោយ​អ្វី​ ​បុគ្គល​កន្លង​សេចក្តី​ទុក្ខ​បាន​ ​ដោយ​អ្វី​ ​បរិសុទ្ធ​បាន​ ​ដោយ​អ្វី​។​
​[​៣២២​]​ ​ព​.​ ​បុគ្គល​ឆ្លង​អន្លង់​បាន​ ​ដោយ​សទ្ធា​ ​ឆ្លង​សមុទ្រ​បាន​ ​ដោយ​សេចក្តី​មិន​ប្រមាទ​ ​កន្លង​សេចក្តី​ទុក្ខ​បាន​ ​ដោយ​សេចក្តី​ព្យាយាម​ ​បរិសុទ្ធ​បាន​ ​ដោយ​ប្រាជ្ញា​។​