ព្រះត្រៃបិដក ភាគ ៣០

​[​៣៨១​]​ ​សម្ពរ​អសុរិន្ទ​ ​តប​ថា​ ​អភ័យ​ ​មិន​មានដល់​ពួក​ឥសី​ ​អ្នក​កាច​អាក្រក់​ ​ជា​អ្នក​សេពគប់​នឹង​សក្កទេវរាជ​ ​កាលបើ​ពួក​ឥសី​ ​សូម​អភ័យ​ ​ខ្ញុំ​ត្រឡប់​ឲ្យ​ភ័យ​ដល់​ពួក​លោក​វិញ​។​
​[​៣៨២​]​ ​ពួក​ឥសី​តប​ថា​ ​កាលបើ​យើង​សូម​អភ័យ​ ​អ្នក​បែរជា​ឲ្យ​ភ័យ​ដល់​យើង​វិញ​ ​យើង​ទទួលយក​អភ័យ​តែ​ម្យ៉ាង​អំពី​អ្នក​ ​ភ័យ​ចូរ​មានដល់​អ្នក​ចុះ​ ​គេ​បាន​ពូជ​បែប​ណា​ ​គេ​បានផល​បែប​នោះ​ដែរ​ ​អ្នកធ្វើ​ល្អ​ ​រមែង​បានផល​ល្អ​ ​អ្នកធ្វើ​អាក្រក់​ ​រមែង​បានផល​អាក្រក់​ ​ម្នាល​អ្នក​ ​ពូជ​ដែល​អ្នក​ព្រោះ​ហើយ​ ​អ្នក​នឹង​ទទួលផល​មិនខាន​ឡើយ​។​ ​