ព្រះត្រៃបិដក ភាគ ៣០

​គប្បី​ឃើញ​ប្រជុំជន​ដោយ​ជុំវិញ​ ​យ៉ាងណាមិញ​ ​បពិត្រ​ព្រះអង្គ​មាន​បញ្ញា​ល្អ​ ​មាន​ចក្ខុ​ជុំវិញ​ ​ប្រាសចាក​សេចក្តី​សោក​ ​សូម​ព្រះអង្គ​ ​ឡើង​កាន់​ប្រាសាទ​ ​ដ៏ហើយ​ដោយ​ធម៌​ ​គឺ​បញ្ញា​ដូចជា​ភ្នំ​នោះ​ ​ហើយ​ពិចារណាមើល​នូវ​ប្រជុំជន​ ​ដែល​ត្រូវ​សេចក្តី​សោក​គ្រប​សង្កត់​ ​ដែល​ត្រូវជា​តិ​ ​ជរា​ ​គ្រប​សង្កត់​។​ ​បពិត្រ​ព្រះអង្គ​មាន​ព្យាយាម​ ​ទ្រង់​ឈ្នះ​នូវ​សង្គ្រាម​ ​សូម​ព្រះអង្គ​ក្រោក​ឡើង​ ​បពិត្រ​ព្រះអង្គ​ ​ជា​អ្នកនាំ​ទៅ​នូវ​ពពួកសត្វ​ ​ព្រះអង្គ​មិន​មាន​បំណុល​ ​សូម​ទ្រង់​ស្តេច​ទៅ​ក្នុង​លោក​ ​សូម​ព្រះមានព្រះភាគ​ ​ទ្រង់​សំដែងធម៌​ ​សត្វ​ទាំងឡាយ​ ​ជា​អ្នក​ត្រាស់​ដឹង​ ​គង់មាន​។​