ព្រះត្រៃបិដក ភាគ ៣០

ម្នាលនាង​ព្រាហ្មណី​ ​នាង​រៀបចំ​នូវ​គ្រឿងបូជា​ ​ជានិច្ច​ ​ចំពោះ​ព្រហ្ម​ណា​ ​លោក​របស់​ព្រហ្ម​នោះ​ ​នៅ​ឆ្ងាយ^{​(​១​)}​ ​អំពី​ទីនេះ​ណាស់​ ​ម្នាលនាង​ព្រាហ្មណី​ ​គ្រឿងបូជា​ប្រាកដ​ដូច្នេះ​ ​មិនមែន​ជា​ចំណី​របស់​ព្រហ្ម​ទេ​ ​នាង​មិនដឹង​នូវ​ផ្លូវ^{​(​២​)}​ ​របស់​ព្រហ្ម​ ​ហើយ​ចរចា​ដូចម្តេច​បាន​ ​ម្នាលនាង​ព្រាហ្មណី​ ​ក៏​ឯ​ភិក្ខុ​ ​ឈ្មោះ​ព្រហ្ម​ទេព​ ​(​ជា​កូន​)​ ​របស់​នាង​នេះ​ ​ជា​អ្នក​មិន​មាន​ឧបធិ​ ​ជា​អ្នក​ដល់​នូវ​ភាពជា​ទេវតា​ ​ដ៏​ក្រៃលែង​ ​មិន​មាន​សេចក្តី​កង្វល់​ ​ជា​អ្នក​មិន​ចិញ្ចឹម​បុគ្គល​ដទៃ​ ​ភិក្ខុ​នោះ​ ​ចូល​មកកាន់​ផ្ទះ​នាង​ឥឡូវនេះ​ ​ដើម្បី​បិណ្ឌបាត​ ​ជា​បុគ្គល​គួរ​ដើម្បី​ទទួល​ដុំ​បាយ​ ​ដែលគេ​នាំមក​បូជា​ ​ជា​អ្នក​ដល់​នូវ​ទីបំផុត​ ​នៃ​ទុក្ខ​ដោយ​វេទ^{​(​៣​)​} ​មានខ្លួន​អប់រំ​ហើយ​ ​ជា​បុគ្គល​គួរ​ទទួលទាន​ ​របស់​ពួក​មនុស្ស​ ​និង​ទេវតា​ ​បាន​បន្សាត់​ចោល​ ​នូវ​បាប​ទាំងឡាយ​ ​មិន​ប្រឡាក់​ដោយ​ជ័រ​ ​គឺ​តណ្ហា​ ​និង​ទិដ្ឋិ​ ​