ព្រះត្រៃបិដក ភាគ ៣០

[​២៣​]​ ​ឧប​ចា​លា​ភិក្ខុនី​តប​ថា​ ​ពួក​ទេវតា​ណា​ ​ដែល​ឋិតនៅ​ក្នុង​ជាន់​តាវត្តិង្ស​ក្តី​ ​ជាន់​យាមៈ​ក្តី​ ​ជាន់​តុសិត​ក្តី​ ​ពួក​ទេវតា​ ​ដែល​ឋិតនៅ​ក្នុង​ជាន់​និម្មានរតី​ក្តី​ ​ពួក​ទេវតា​ ​ដែល​ឋិតនៅ​ក្នុង​ជាន់​វ​សវ​តី​ក្តី​ ​ទេវតា​ទាំងនោះ​ ​ចំពាក់​ដោយ​គ្រឿង​ចង​ ​គឺ​កាម​ ​រមែង​មកកាន់​អំណាច​នៃ​មារ​ទៀត​ ​លោក​ទាំងអស់​ ​ត្រូវ​ភ្លើង​ឆេះ^{​(​១​)}​ ​ហើយ​ ​លោក​ទាំងអស់​ក្តៅក្រហាយ^{​(​២​)}​ ​លោក​ទាំងអស់​ ​ភ្លឺ​ច្រាល​រន្ទាល^{​(​៣​)}​ ​លោក​ទាំងអស់​ ​ញាប់ញ័រ​ហើយ​ ​ទីណា​ ​ដែល​មិន​ញាប់ញ័រ​ ​មិន​កម្រើក​ ​មិនមែន​ជា​សំណេព​នៃ​បុថុជ្ជន​ ​មិនមែន​ជា​ដំណើរ​នៃ​មារ​ ​ចិត្ត​យើង​ត្រេកអរ​ហើយ​ក្នុង​ទីនោះ​។​ ​