ព្រះត្រៃបិដក ភាគ ៣៥

​[​២០៤​]​ ​ព្រាហ្មណ៍​ទាំងឡាយ​ណា​ ​រព្ញ​ក​ធម៌​ ​(​របស់​ព្រាហ្មណ៍​)​ ​បុរាណ​ ​ព្រាហ្មណ៍​ទាំងនោះ​ ​ឈ្មោះថា​ ​មាន​សីល​ដ៏​ឧត្តម​ ​មានគុណ​ប្រាកដ​មក​ពីដើម​ ​ព្រាហ្មណ៍​ទាំងនោះ​ ​ឈ្មោះថា​ ​បាន​គ្រប់គ្រង​រក្សា​ ​នូវ​ទ្វារ​ដោយ​ប្រពៃ​ ​ទាំង​គ្រប​សង្កត់​ ​នូវ​សេចក្តី​ក្រោធ​បាន​។​ ​ព្រាហ្មណ៍​ទាំងឡាយ​ណា​ ​រឭក​ធម៌​ ​(​របស់​ព្រាហ្មណ៍​)​ ​បុរាណ​ ​ព្រាហ្មណ៍​ទាំងឡាយ​នោះ​ ​ឈ្មោះថា​ ​ប្រព្រឹត្ត​ក្នុង​ធម៌​ ​គឺ​កុសលកម្មបថ​ ​១០​ ​ប្រការ​ ​និង​សមាបត្តិ​ជ្ឈាន​ ​៨​ ​យ៉ាង​ ​ព្រាហ្មណ៍​ទាំងនេះ​ឯង​ ​បាន​ចៀសចេញ​ ​(​ចាក​គុណ​)​ ​ស្រវឹង​ដោយ​គោត្រ​ ​គិតថា​ ​យើង​ទាំងឡាយ​ ​រមែង​លះបង់​ ​(​អកុសលកម្ម​)​ ​ហើយ​នាំគ្នា​ប្រព្រឹត្ត​កម្ម​មិន​ស្មើ​ ​គឺ​ធ្វើ​កម្ម​មិន​ស្មើគ្នា​ ​មាន​កាយ​កម្ម​ ​ជាដើម​។​