ព្រះត្រៃបិដក ភាគ ៣៨

 ​[​២២៩​]​ ​ម្នាល​ភិក្ខុ​ទាំងឡាយ​ ​ឥន្ទ្រិយ​នេះ​ ​មាន​ ​៦​ ​ប្រការ​។​ ​ឥន្ទ្រិយ​ ​៦​ ​ប្រការ​ ​ដូចម្តេច​ខ្លះ​។​ ​គឺ​ចក្ខុន្ទ្រិយ​ ​១​ ​សោ​តិ​ន្ទ្រិយ​ ​១​ ​ឃា​និ​ន្ទ្រិយ​ ​១​ ​ជី​វិ្ហន្ទ្រិយ​ ​១​ ​កាយិន្ទ្រិយ​ ​១​ ​មនិន្ទ្រិយ​ ​១​។​ ​
​ [​២៣០​]​ ​ម្នាល​ភិក្ខុ​ទាំងឡាយ​ ​កាល​តថាគត​នៅ​មិនទាន់​ដឹង​ច្បាស់​តាមពិត​ ​នូវ​សេចក្តី​កើត​ ​រលត់​ ​អានិសង្ស​ ​ទោស​ ​និង​ការ​រលាស់​ចេញ​ ​នូវ​ឥន្ទ្រិយ​ ​៦​ ​នេះ​ ​ដរាបណា​។​ ​ម្នាល​ភិក្ខុ​ទាំងឡាយ​ ​តថាគត​ ​ក៏​មិន​ប្តេជ្ញា​ខ្លួន​ ​ថា​ជា​អ្នក​ត្រាស់​ដឹង​ ​នូវ​សម្មាសម្ពោធិ​ញ្ញាណ​ ​ឥតមាន​សេចក្តី​ដឹង​ឯទៀត​ ​ក្រៃលែង​ជាង​ ​ក្នុង​លោក​ ​ព្រមទាំង​ទេវលោក​ ​មារ​លោក​ ​ព្រហ្មលោក​ ​ក្នុង​ពពួកសត្វ​ ​ព្រមទាំង​សមណព្រាហ្មណ៍​ ​និង​មនុស្សជា​សម្មតិទេព​ ​និង​មនុស្ស​ដ៏​សេស​ ​ដរាប​នោះ​។​
ថយ | ទំព័រទី ១៦១ | បន្ទាប់
ID: 636852606514760130
ទៅកាន់ទំព័រ៖