ព្រះត្រៃបិដក ភាគ ៤២

​មេឃ​ ​និង​ផែនដី​ ​រមែង​ឆ្ងាយ​អំពី​គ្នា​ ​ត្រើយ​សមុទ្រ​នោះ​ ​លោក​ពោល​ថា​ ​ឆ្ងាយ​អំពី​គ្នា​ ​ព្រះអាទិត្យ​ជា​អ្នកធ្វើ​នូវ​ពន្លឺ​ ​រះ​ឡើង​ ​អំពី​ទិស​ណា​ ​អស្តង្គត​ទៅវិញ​ ​ក្នុង​ទិស​ណា​ ​រមែង​ឆ្ងាយ​អំពី​គ្នា​ ​បណ្ឌិត​ទាំងឡាយ​ ​ពោល​ថា​ ​ធម៌​របស់​ពួកសប្បុរស​ ​និង​ធម៌​របស់​ពួក​អសប្បុរស​ ​ឆ្ងាយ​ក្រៃលែង​ឆ្ងាយ​ជាង​នោះ​ទៅទៀត​។​ ​សមាគម​របស់​ពួកសប្បុរស​ ​មិន​បាន​ញ្រ​ត់​ប្រាសចាក​គ្នា​ ​សមាគម​របស់​ ​ពួកសប្បុរស​ ​ឋិតនៅ​ដរាបណា​ ​ធម៌​របស់​ពួកសប្បុរស​ ​ក៏​មាននៅ​ដរាប​នោះ​។​ ​សមាគម​របស់​ពួក​អសប្បុរស​ ​តែង​ញ្រ​ត់​ប្រាស​ទៅ​ឆាប់​ ​ព្រោះហេតុនោះ​ ​ធម៌​ទាំងឡាយ​ ​របស់​ពួកសប្បុរស​ ​ទើប​ឈ្មោះថា​ ​ឆ្ងាយ​អំពី​ធម៌​របស់​ពួក​អសប្បុរស​។​