ព្រះត្រៃបិដក ភាគ ៤២

 [​១៣៤​]​ ​ម្នាល​ភិក្ខុ​ទាំងឡាយ​ ​បុគ្គល​ ​៤​ ​ពួក​នេះ​ ​រមែង​មាន​ប្រាកដ​ក្នុង​លោក​។​ ​បុគ្គល​ ​៤​ ​ពួក​ ​តើ​ដូចម្តេច​។​ ​គឺ​បុគ្គល​ចិញ្ចឹមជីវិត​ ​ដោយ​ផល​នៃ​ការ​ប្រឹងប្រែង​ ​មិន​ចិញ្ចឹមជីវិត​ ​ដោយ​ផល​នៃ​បុញ្ញកម្ម​(​១​)​ ​១​ ​ចិញ្ចឹមជីវិត​ ​ដោយ​ផល​នៃ​បុញ្ញកម្ម​ ​មិន​ចិញ្ចឹមជីវិត​ដោយ​ផល​នៃ​ការ​ប្រឹងប្រែង​(​២​)​ ​១​ ​ចិញ្ចឹមជីវិត​ដោយ​ផល​ ​នៃ​ការ​ប្រឹងប្រែង​ផង​ ​ចិញ្ចឹមជីវិត​ដោយ​ផល​នៃ​បុញ្ញកម្ម​(​៣​)​ ​ផង​ ​១​ ​មិន​ចិញ្ចឹមជីវិត​ ​ដោយ​ផល​នៃ​ការ​ប្រឹងប្រែង​ ​មិន​ចិញ្ចឹមជីវិត​ ​ដោយ​ផល​នៃ​បុញ្ញកម្ម​(​៤​)​ ​១​។​ ​ម្នាល​ភិក្ខុ​ទាំងឡាយ​ ​បុគ្គល​ ​៤​ ​ពួក​នេះឯង​ ​រមែង​មាន​ប្រាកដ​ក្នុង​លោក​។​
​ [​១៣៥​]​ ​ម្នាល​ភិក្ខុ​ទាំងឡាយ​ ​បុគ្គល​ ​៤​ ​ពួក​នេះ​ ​រមែង​មាន​ប្រាកដ​ក្នុង​លោក​។​ ​បុគ្គល​ ​៤​ ​ពួក​ ​តើ​ដូចម្តេច​។​ ​គឺ​បុគ្គល​ប្រកបដោយ​ទោស​ ​១​ ​ច្រើន​ដោយ​ទោស​ ​១​ ​មានទោស​តិច​ ​១​ ​មិន​មានទោស​ ​១​។​ ​ម្នាល​ភិក្ខុ​ទាំងឡាយ​ ​ចុះ​បុគ្គល​ប្រកបដោយ​ទោស​ ​តើ​ដូចម្តេច​។​ ​ម្នាល​ភិក្ខុ​ទាំងឡាយ​ ​បុគ្គល​ខ្លះ​ ​ក្នុង​លោក​នេះ​ ​ប្រកបដោយ​កាយ​កម្ម​មានទោស​ ​ប្រកបដោយ​វចីកម្ម​មានទោស​ ​ប្រកបដោយ​មនោ​កម្ម​មានទោស​។​ ​
​(​១​)​ ​បាន​ដល់​បុគ្គល​ ​ដែល​ប្រឹងប្រែង​ ​ព្យាយាម​ ​ទើបបាន​អ្វីមួយ​មក​ចិញ្ចឹមជីវិត​។​ ​(​២​)​ ​បាន​ដល់​ពួក​ទេវតា​ទាំងអស់​។​ ​(​៣​)​ ​បាន​ដល់​ស្តេច​ ​និង​អាមាត្យ​ធំ​នៃ​ស្តេច​ ​ជាដើម​។​ ​(​៤​)​ ​បាន​ដល់​ពួក​សត្វ​នរក​។​
ថយ | ទំព័រទី ៣៤៤ | បន្ទាប់
ID: 636853511112310151
ទៅកាន់ទំព័រ៖