ព្រះត្រៃបិដក ភាគ ៤៤

​ភ្នំ​ថ្ម​ក្នុង​ដងព្រៃ​ធំ​ ​ដើម​ឈើ​ធំៗ​ទាំងនោះ​ ​រមែង​ចំរើន​ឡើង​ ​ព្រោះ​អាស្រ័យ​ភ្នំ​ថ្ម​នោះ​ ​យ៉ាងណាមិញ​ ​កូន​ប្រពន្ធ​ទាំងឡាយ​ ​ផៅពង្ស​ទាំងឡាយ​ ​អមាត្យ​ទាំងឡាយ​ ​ពួក​ញាតិ​ទាំងឡាយ​ ​ពួក​ជន​អ្នក​ចិញ្ចឹម​ជិ​វិត​ ​ដោយសារ​បុគ្គល​នោះ​ ​រមែង​ចំរើន​ឡើង​ ​ព្រោះ​អាស្រ័យ​នឹង​កុលបុត្រ​អ្នកមាន​សទ្ធា​ ​បរិបូណ៌​ ​ដោយ​សីល​ ​ក្នុង​លោក​នេះ​ ​ពួក​ជន​ ​មានកូន​ ​និង​ប្រពន្ធ​ ​ជាដើម​នោះ​ ​ឃើញ​សីល​ផង​ ​ចាគៈ​ផង​ ​និង​សុចរិត​ទាំងឡាយ​ផង​ ​របស់​កុលបុត្រ​អ្នកមានសីល​នោះ​ហើយ​ ​រមែង​ធ្វើតាម​យ៉ាងនោះ​ដែរ​ ​ក្នុង​លោក​នេះ​ ​ពួក​អ្នកប្រាជ្ញ​ណា​ ​ជា​អ្ន​ក​ប្រពឹ​ត្ត​ធម៌​ ​ជា​អ្នកមាន​ដំណើរ​ទៅកាន់​សុគតិ​ ​សួគ៌​ ​ពួក​អ្នកប្រាជ្ញ​នោះ​ ​ជា​អ្នក​ត្រេកអរ​រីករាយ​ ​សម្រេច​ដូចសេចក្តី​ប្រាថ្នា​ ​ក្នុង​ ​ទេវលោក​។​