ព្រះត្រៃបិដក ភាគ ៤៥

 ​[​៥៨​]​ ​ម្នាល​ភិក្ខុ​ទាំងឡាយ​ ​ភិក្ខុ​ប្រកបដោយ​ធម៌​ ​៥​ ​យ៉ាង​ ​រមែង​ស្រុត​ចុះ​កាន់​សេចក្តី​ញញើតញញើម​។​ ​ប្រកបដោយ​ធម៌​ ​៥​ ​យ៉ាង​ ​ដូចម្តេច​ខ្លះ​។​ ​ម្នាល​ភិក្ខុ​ទាំងឡាយ​ ​ភិក្ខុ​ក្នុង​សាសនា​នេះ​ ​ជា​អ្នក​មិន​មាន​សទ្ធា​ ​១​ ​ទ្រុស្តសីល​ ​១​ ​មាន​សេចក្តី​ចេះដឹង​តិច​ ​១​ ​ខ្ជិលច្រអូស​ ​១​ ​អ័​ប្ប​ឥត​បញ្ញា​ ​១​។​ ​ម្នាល​ភិក្ខុ​ទាំងឡាយ​ ​ភិក្ខុ​ប្រកបដោយ​ធម៌​ ​៥​ ​យ៉ាងនេះ​ឯង​ ​រមែង​ស្រុត​ចុះ​កាន់​សេចក្តី​ញញើតញញើម​។​ ​ម្នាល​ភិក្ខុ​ទាំងឡាយ​ ​ភិក្ខុ​ប្រកបដោយ​ធម៌​ ​៥​ ​យ៉ាង​ ​រមែង​ជា​អ្នក​ក្លៀវក្លា​។​ ​ប្រកបដោយ​ធម៌​ ​៥​ ​យ៉ាង​ ​ដូចម្តេច​ខ្លះ​។​ ​ម្នាល​ភិក្ខុ​ទាំងឡាយ​ ​ភិក្ខុ​ក្នុង​សាសនា​នេះ​ ​ជា​អ្នកមាន​សទ្ធា​ ​១​ ​មាន​សីល​ ​១​ ​ចេះដឹង​ច្រើន​ ​១​ ​ប្រារព្ធ​ព្យាយាម​ ​១​ ​មាន​បញ្ញា​ ​១​។​ ​ម្នាល​ភិក្ខុ​ទាំងឡាយ​ ​ភិក្ខុ​ប្រកបដោយ​ធម៌​ ​៥​ ​យ៉ាងនេះ​ ​រមែង​ជា​អ្នក​ក្លៀវក្លា​។​
​ [​៥៩​]​ ​សម័យមួយ​ ​ព្រះ​ដ៏​មាន​ព្រះ​ភាគ​ ​ទ្រង់​គង់នៅ​ក្នុង​ឃោសិ​តា​រាម​ ​ជិត​ក្រុង​កោ​សម្ពី​។​ ​សម័យ​នោះ​ ​ព្រះ​ឧទាយិ​ដ៏​មាន​អាយុ​ ​មាន​បរិសទ្យ​គ្រហស្ថ​ជាច្រើន​ចោមរោម​ ​កំពុង​អង្គុយ​សំដែងធម៌​។​ ​
ថយ | ទំព័រទី ១១០ | បន្ទាប់
ID: 636853881760280002
ទៅកាន់ទំព័រ៖