ព្រះត្រៃបិដក ភាគ ៤៥

​នរៈ​ណា​ ​សម្លាប់សត្វ​ផង​ ​និយាយ​ពាក្យ​កុហក​ផង​ ​កាន់​យក​ទ្រព្យ​ ​ដែលគេ​មិនបាន​ឲ្យ​ក្នុង​លោក​ផង​ ​ក្បត់​នឹង​ប្រពន្ធ​ជន​ដទៃ​ផង​ ​ប្រកប​នូវ​ការ​ផឹកសុរា​ ​និង​មេរ័យ​ផង​ ​នរៈ​អ្នក​មិនបាន​លះ​នូវ​ពៀរ​ ​៥​ ​យ៉ាងនោះ​ ​ហៅថា​ ​ជា​អ្នក​ទ្រុស្តសីល​ ​ជា​អ្ន​ក​អ័​ប្ប​ឥត​បញ្ញា​ ​លុះ​បែកធ្លាយ​រាងកាយ​ ​រមែង​ទៅ​កើត​ក្នុង​នរក​។​ ​នរៈ​ណា​ ​មិន​សម្លាប់សត្វ​ ​មិន​និយាយ​កុហក​ ​មិន​កាន់​យក​ទ្រព្យ​ ​ដែ​សគេ​មិនបាន​ឲ្យ​ក្នុង​លោក​ ​មិន​ក្បត់​នឹង​ប្រពន្ធ​ជន​ដទៃ​ ​និង​មិន​ប្រកប​នូវ​ការ​ផឹកសុរា​ ​និង​មេរ័យ​ ​នរៈ​អ្នក​បាន​លះ​នូវ​ពៀរ​ ​៥​ ​យ៉ាងនោះ​ ​ហៅថា​ ​ជា​អ្នកមានសីល​ ​ជា​អ្នក​ប្រកបដោយ​បញ្ញា​ ​លុះ​បែកធ្លាយ​រាងកាយ​ ​រមែង​ទៅ​កើត​ក្នុង​សុគតិ​។​