ព្រះត្រៃបិដក ភាគ ៤៧

​ស្រ្តី​មាន​សេចក្តី​គោរព​ ​ក្នុង​ស្វាមី​របស់​ខ្លួន​ ​ដូច​ប្អូនស្រី​គោរព​បងប្រុស​ ​មាន​សេចក្តី​អៀនខ្មាស​ ​ប្រព្រឹត្តទៅ​តាម​អំណាច​នៃ​ភស្តា​ ​ស្រ្តី​ណា​ ​ជា​ភរិយា​នៃ​បុរស​ ​មាន​សភាព​ដូច្នេះ​ ​ស្ត្រី​នោះ​ ​ហៅថា​ ​ភគិនី​ភរិយា​។​ ​ស្ត្រី​ណា​ ​ក្នុង​លោក​នេះ​ ​បានឃើញ​នូវ​ប្តី​ហើយ​ ​ក៏​រីករាយ​ ​ដូចជា​សំឡាញ់​ ​បានឃើញ​សំឡាញ់​ ​ដែល​មក​អស់​កាលយូរ​ ​ស្រ្តី​នោះ​ ​បរិបូណ៌​ដោយ​ត្រកូល​ ​មាន​សីលធម៌​ ​ជា​ស្រ្តី​មាន​វត្ត​ប្រតិបត្តិ​ក្នុង​ប្តី​ ​ស្រ្តី​ណា​ ​ជា​ភរិយា​នៃ​បុរស​ ​មាន​សភាព​ដូច្នេះ​ ​ស្រ្តី​នោះ​ ​ហៅថា​ ​ស​ខី​ភរិយា​។​ ​ស្រ្តី​ដែល​ស្វាមី​ជេរ​ ​វាយ​ ​គំរាម​ដោយ​ដំបង​ ​មិន​មានចិត្ត​ប្រទូស្ត​វិញ​ ​ចេះ​អត់សង្កត់​ដល់​ប្តី​ ​មិន​ក្រោធ​ ​ប្រព្រឹត្តទៅ​តាម​អំណាច​នៃ​ភស្តា​ ​ស្ត្រី​ណា​ជា​ភរិយា​នៃ​បុរស​ ​មាន​សភាព​ដូច្នេះ​ ​ស្ត្រី​នោះ​ ​ហៅថា​ ​ទាសីភរិយា​។​ ​