ព្រះត្រៃបិដក ភាគ ៤៨

​ព្រោះថា​ ​ឧបោសថ​ប្រកបដោយ​អង្គ​ ​៨នេះ​ ​ព្រះពុទ្ធ​ទ្រង់​ដល់​នូវ​ទីបំផុត​នៃ​ទុក្ខ​ ​ទ្រង់​ប្រកាស​ហើយ​ ​ព្រះចន្ទ​ ​និង​ព្រះអាទិត្យ​ទាំង២​ ​ជា​របស់​ល្អមើល​ ​កាល​ចរ​ទៅ​បំភ្លឺ​ត្រឹមណា​ ​ព្រះចន្ទ​ ​និង​ព្រះអាទិត្យ​ទាំងពីរ​នោះ​ ​តែង​កំចាត់​បង់​នូវ​ងងឹត​ ​ត្រាច់​ទៅ​ក្នុង​អាកាស​ ​ភ្លឺ​ក្នុង​អាកាស​ ​រុងរឿង​សព្វ​ទិស​ ​ទ្រព្យ​ណា​ដែល​មាន​ក្នុង​ចន្លោះ​នុ៎ះ​ ​គឺ​កែវ​មុក្ដា​ ​កែវមណី​ ​កែវពិទូរ្យ​ដ៏​ល្អ​ ​ម្យ៉ាងទៀត​ ​មាស​ឈ្មោះ​សិង្គី​ ​ឈ្មោះ​សុវណ្ណ​ ​ឬ​មាស​ ​ឈ្មោះ​កាញ្ចនៈ​ ​ឈ្មោះ​ជាតរូប​ ​ឈ្មោះ​ហដកៈ​ ​របស់​ទាំងអស់​នោះ​ ​ក៏​មិនដល់​នូវ​ ​១​ ​ចំណិត​នៃ​ចំណែក​ ​១៦​ ​ៗ​ ​លើក​ ​នៃ​ឧបោសថ​ ​ប្រកបដោយ​អង្គ​ ​៨​ ​ដូចជា​ពួក​ផ្កាយ​ទាំងអស់​ ​មិនដល់​នូវ​ពន្លឺ​នៃ​ព្រះចន្ទ​ ​ព្រោះហេតុនោះ​ ​ជន​ស្រីប្រុស​ ​អ្នកមានសីល​ ​គួរ​រក្សា​ឧបោសថ​ ​ប្រកបដោយ​អង្គ​ ​៨​ ​ពួក​ជន​ដែលគេ​មិន​និន្ទា​ហើយ​ ​បំពេញ​បុណ្យ​ដែល​ជា​កម្រៃ​នៃ​សេចក្ដីសុខ​ ​រមែង​ចូល​ទៅកាន់​ឋានសួគ៌​បាន​។​