ព្រះត្រៃបិដក ភាគ ៤៨

មាតុគ្រាម​ណា​ ​មាន​ព្យាយាម​ ​ខ្វល់ខ្វាយ​ចិញ្ចឹម​ស្វាមី​នោះ​សព្វកាល​ជានិច្ច​ ​មិន​មើលងាយ​បុរស​ជា​ស្វាមី​ ​ដែល​នាំមក​នូវ​សេចក្ដីប្រាថ្នា​គ្រប់យ៉ាង​នោះ​ ​ជា​ស្រ្ដី​ល្អ​ ​មិន​ធ្វើ​ស្វាមី​ឲ្យ​ក្តៅក្រហាយ​ ​ដោយ​ពាក្យ​ច្រណែន​ ​ជា​ស្រ្តី​មាន​បញ្ញា​ ​តែង​បូជា​ស្វាមី​ ​និង​បុគ្គល​ដែល​ជាទី​គោរព​ទាំងអស់​ ​ជា​ស្រ្ដី​មាន​សេចក្ដី​ខ្នះខ្នែង​ ​មិន​ខ្ជិលច្រអូស​ ​សង្រ្គោះ​ជន​ជា​បរិសទ្យ​ ​តែង​ប្រព្រឹត្ត​នូវ​អំពើ​ជាទី​គាប់ចិត្ត​នៃ​ស្វាមី​ ​ថែទាំ​សម្បតិ្ត​ដែល​ស្វាមី​រកបាន​មក​ ​នារី​ណា​ ​ជា​ស្ត្រី​លុះ​ក្នុង​អំណាច​សេចក្តី​ប្រាថ្នា​របស់​ស្វាមី​ ​ហើយ​ប្រព្រឹត្ត​យ៉ាងនេះ​ ​នារី​នោះ​ ​រមែង​ទៅ​កើត​ក្នុង​ពួក​ទេវតា​ ​ឈ្មោះ​ ​មនាប​កាយិកា​។​